Ka Elele, Volume 9, Number 2, 16 March 1854 — NUHOU. [ARTICLE]

NUHOU.

Ua haalele na Kuhina ia Honolulu hale, a ua laweia na oihana a pau a ke Aupuni ikahi i noho ai o Mi Pele mamua, He wahi mehameha ia; nui na hale ma ia pa; a ua Kaawale na haleoihana a kela Kuhina, keia Kuhina, E aho keia, no ka mea, ua pilikia kela hale mamua. Eia kekahi; ua maieia o Duaika, misionari o Molokai ia Ana Mahoe he Kaikamahine Hawaii. Ma Kaluaaha kahi i mare ai. Eia kekahi; he ahaaina hanohanoka na koa haole, koa pualu hoi o Honolulu nei, i ka la 22 Feb. iho nel; oia hoi, ka la hanau o Wa-

sonetona, ke Alii kaulana o Am. Huipuia. Malaila na koa, me na kuliina o ke Alii kanikela o ke la Aina, keia Aina , a me kekahi mau Alii. Nui na mea olelo ma ia Aliaaina, hc olelo maikai wale no. Hapai maoli o Grcgg i ke Aupuni o ke Alii , a me ka holo mua ana oka naauao ma keia pae Aina, o Gregg ka inoa o ke Komisina hou, no Am. Huipuia, ka pani hakahaka o Sewerena i hoi aku nei. 11 e oluolu kona ano , a me kana hana me na Luna oke Aupuni. Ua aloha nui ia o Sewerena, ke Komisina i hoi aku nei; no ka mea, he ano haahaa , akahai, a me ka oluolu kona. Akamai hoi oia i ka noonoo, a me ka palapala manao; ku pono maoli. Pomaikai ke Aupuni, ke nui na hua oia ano. Eia kekahi; ke manao nei ke Anpuni e kuai i kahi makai o ka Papu, n>a Honolulu, i Kahuahale Kalepa ika poe makemake. Ua pau i ke anaiae ke Kaulahao, a e hookomoia ana iloko oka Ahaolelo, e hooholo. Pii loa paha ke kumu kuai o kela wahi, no ke kokoke loa i kahi ku moku.