Ka Elele, Volume 9, Number 12, 17 August 1854 — Auhau Kula. [ARTICLE]

Auhau Kula.

No ka Elele Hawaii. Aloha oe, Ua ike iho uei au i kou manao e minamina Kula ma ka E. Hawaii, Puke 9 Pepa 10, aoao3S no ka pilikia o na kula o kekahi' mau apana Oahu i ke dala ole, no ka nawaliwali o ka hana a ua Lunaauhau, ea, lana maoli ko’u manao i kau olelo paipai e Minamina kula, Ea, o kau hana no ia mai hooki oe i ka peipai i na Lunaauh.au. Eia kekahi mea, hoakaka no ka oiaio o ka nawaliwali o na Lunaauhau, i ka lakou hana. Eia ma ko a akou apana nei kekahihope Lunaauhau nawaliwali loa kana hana, nui loa ka aie o na kanaka ika auhau poalua. Mai ka M. H. 1850 a51 52 53 a komo no i loko o keia makahiki he nui loa ia poe kanaka, ua pakela aku ka aie o kekahi poe he 10 dala 12 kekahi. No ke aha? No ka paipai ole, no ka ohi ole i na dala e kolu ma ka waiwai, i oleia, e hoohana iho ma ka hana Like pu me kau i hoakaka mai ai nia ua Elele la. Ua ike pono au i ka pepa inoa o na kanaka aie i ka poalua i hoophia i mua L. kanawai apana. Aua hoouna ka L. kanawai i ka makai, i ka ohi ana o ka makai i ko lakou aie aole lakou i hoole mai ua ae no lakou. kekahi poe ua hoopaapaa mai nokaloihi loa, Aka, ua hemahema ka hoopii ana a ua hope Lunaauhau nei. No ka mea, ua akaka loa ke kanawai i kona kiionohi, “īna nele kedala e lawe ma ka waiwai e kolu dala, i oie ia e hoohana e kolu la hana i ka malama hookahi, o ka pau no ia,” Aka, i ka hoopii ana lilo kekahi o ia mau dala i ka uku o ka Makai, Pilikia loa ke kanaka, No ka ikaika ole o ua hope Lunaauhau nei i ka hana, nui ka aie o na kanaka, a lilo i mea hoopaapaa, a hemahema na kula. O E. Kapuniai ka Lunaauhau maoli, aka, he mai loihi loa kona, he lolo, aole hikie hele, maloko o ka Hale wale no ia e moe ai, kokoke e hapaha makahiki kona mai ana, aneane like pu kona hope me ia, ka nawaliwali a o kona hope, he ikaika ke kino, he maikai mau no i na la apau, a o ka hana aku i ko ke aupuni ka mea e poka ai i na dala e lua haneri, he poloheke wale no. Owau no me ka mahalo I. W. K. Kumuao. Waimea Kauai jdugate 5 1854