Ka Elele, Volume 9, Number 12, 17 August 1854 — KELA MEA KEIA MEA. [ARTICLE]

KELA MEA KEIA MEA.

Ka Ahaolelo. ī ka la 12 o Aug. nei, i ka hora 2, i ka auwi ana o ka la, hoopau ke Alii i na Hale elua o ka Ahaolelo, a pau koke i ka hoi na Lunamakaainana. He Ahaolelo loihi loa keia, eha malama a keu; he 108 la ka halawai ana o na Lunamakaainana, a ua kanawalu a keu na la halawai oka Hale Alii. Loihi loa? akahi no ka Ahaolelo loihi loa. Nui no hoi na dala i lilo no keia Ahaolelo; no ka uku la o na Lunamakaainana, no na Kakauolelo, no ka unuhi olelo, no ka pai palapala, no na Luna o na Hale, no kalako, pepa, inika, peni, kela mea, keia mea. Ehia dala i lilo. Ua kokoke, he $16,000 ! I kela mau makahiki mamua, he $10,000 wale no i lilo. E nana kakou i keia. Aole hoi he nui ka hana a keia Ahaolelo o keia makahiki; he mau Kanawai hapa

wale no. Aia paiia ia mau Kanawai, ike kakou i ka hana o keia Ahaolelo ana, he uuku loa. He aha ka mea e loihi ai keia halawai ana oka Ahaolelo ? Heaha la ? Eia paha,, 0 ka nui loa o ka hoopaapaa; olelo loihi pono ole kekahi poe, a pau ka manawa, aole mea 1 holo, o ke $3 no ka la paha kekahi mea e loihi ai. Ekolu hora wale no e halawai ai i ka la, eha paha kekahi; a loaa mai $3 no ia mau I ora. O ka nui o ka la noho wale. Aole pau ko’u manao no keia Ahaolelo. Mamuli olelo hou. Ilaole make ike ki pu. ī ka la 12 iho nei, kipu kekahi haole Kalepa o Honolulu nei, o Porter kona inoa i kekahi wahine, ia Maheha e noho pu ana meia; ku ka poka i kona ai, aole nae make loa oia. A mahope iho kipu ua haole nei ia ia iho, a make loa; make koke iho no.. E nana kakou ika hua 0 ka hewa. Ka Nu Hou. Ua pau iho nei ke pai ana 1 keia Nupepa hoolaha ike. Ua nui ka poe heluhelu i keia pepn, a e minamina ana lakouia ia, no ka pau ana. No ka heluhelu ana i na mea hou, ua lana ka manao o na kanaka e heluhelu nui, a e lohe nui i na mea o kela aina, keia aina.