Ka Elele, Volume 9, Number 12, 17 August 1854 — Aloha wale! [ARTICLE]

Aloha wale!

Ma kekahi nupepa Amerika, ua ikeia ka pilikia o ke Komisina Amerika ma Honolulu nei mamua, a ua hoi aku nei, L. Senerence. Kona inoa. He mai ino loa kona, mai ia nei aku ka mai ana; ma kona lehelehe ka mai; ua aai; ma ka olelo haole he cancer. Ua pau kona lehelehe malalo, a me kona auwae i ka aiia ake aai nei no. O kona make koe. Alohaino! Aole paha haole e ae, aole hoi luna aupuni no na aina e mai, i oi aku mamua o keia no kona ano maikai, noho malie, kuka pu me ka haahaa. Aole i lohea kona leo, e hoohalahala ana i ke aupuni, e hoopaapaa ana e koi ana, e huhu ana. Aole loa. Makemake loa ke Alii a me na’Iii ia ia; aloha maoli. Nolaila, i ka lohe ana i kona pilikia, akokoke hele aku eha pu ka naau.