Ka Elele, Volume 9, Number 12, 17 August 1854 — NO BONABE. [ARTICLE]

NO BONABE.

Aia malaila, o Mr. Sturges a me Kauka Gulika, a me Kaaikaula, a me ka lakou mau wahine. Ua noho no lakou a pau mamua ma ka aoao hema o ka aina ma Kiti. Ua

malama mai ke alii ia lakou, aole kolohe ia mai ko lakou waiwai. Hooikaika lakou e loaa ka olelo Bonabe, e hiki ia lakou ke ao aku i na kanaka naaupo malaila. Ku no malaila kekahi mau moku okohola. I ka malama o Iune, hoi no Gulika a noho ma Metalanima, ka aoao hikina o ka aina; okoa no ke alii o ia aoao. Haawi mai ke alii i kahuahale. Kukulu no Gulika i hale noho, a i hale kula. Ao aku no Gulika wahine i ke kula kamalii, a humuhumu lole. Olioli lakou i ka hoike ana. Kokoke makaukau o Gulika i ka hai aku i ka olelo a ke Akua ma ka lakou olelo. Keakea mai kekahi mau haole i ka hana a na Kumu. Lilo na kanaka i ka ahaaina lealea.