Ka Elele, Volume 9, Number 12, 17 August 1854 — NO UALANA. [ARTICLE]

NO UALANA.

Malaila no Mr. Snow ma, a me Opunui wahine. Ua hele aku o Opunui kane. Ua kukulu no Mr. Snow i liale ma ka aina a ke Alii.e haawi mai, a ua oluolu ka noho ana. He kula kamalii no o Mr. Snow, e ao aku ia lakou ika olelo Beritania. O na keiki a ke Alii kekahi.iloko o ke kula he 30 paha na haumana. I mai o Mr. Suow, akamai no lakou ike ao palapala. A makemake no ke A!ii i ke kula, a paipai i na h,aumana. Ua hookapu no ke Alii i ka la sabali a halawai pule no lakou,ia la. Hele mau no ke Alii a me kona mau ohua i ka pule, a ninau noā ke ano o na mea ana i lohe ai. Noi mai o Mr. Suow, i mau Misionari hou e kokua ia ia. Aia no rca ka moana kekahi mau misionari hou e holo mai ana no kela inau Mokupuni ma Maikeronisa.