Ka Elele, Volume 9, Number 12, 17 August 1854 — NA MISIONARI HOU. [ARTICLE]

NA MISIONARI HOU.

Eia kekahi; kokoke hiki mai kekahi inau misionari hou, elua kane, elua wahine, e holo ana ma Maikeronisa. Aia lakou ma ka moana. Pono paha kekahi poe kokua e holo aku me lakou no Hawaii nei. Ua holo ka manao o na luna Ahahui e imi i eono hoahanau no nei, i eono kane eono wahine, e holo aku i kela mau Mokupuni e kokua i ka hana malaila. Owai ka mea makaukau no keia hana ? O na mea makemake i keia hana, e kamailio me ka lakou mau kumu, a hoomakaukau i ka hele ; no ka mea, o ka haawi o ka pule a me ka hele, oia na mea e ponp ai keia hana.

Mai wikiwiki ka ae aku, e noonoo pono i ke ano oka hana. Aole hana keia e waiwai ai ke kino. He hana hoole iko ke kino, he hana aloha wale aku. I mai Iesu, “O ka mea makemake e hele mamuli o’u, e hoole kela ia ia iho, e hapai hoi ia i kona kea, a e hahai mai ia’u. ” Pela no ka pono oka poe e hele aku, a kokua i ka Iesu hana ma na aina pouli. Aole pono lakou e paulele ma ko ke kino; e paulele no ma na mea oluna. I nui ka haahaa, i nui ke aloha, i pau ole ke ahonui, oia na mea nui e pono ai keia hana. Na Kalaka. Kawaiahao , Jlugale 4, 1854.