Ka Elele, Volume 9, Number 12, 17 August 1854 — MARE LEHULEHU [ARTICLE]

MARE LEHULEHU

Eia ka palapala hou mai. Na kekahi Moremona o Honolulu nei i kakau. He palapala kupaianaha no. No ka mea, ua kokua mai keia palapala ma ka noho Pegana ana a me ka noho Mahometa ana me na wahine lehulehu ! I mai keia palapala, na ka Baibala kekahi i kokua mai ma keia hana. Mamuli 0 ke kauoha a Iehova ka mare ana i na wahine lehulehu. Na Iesu kekahi i hoapono i keia hana, a ua mare no Iesu i na wahine ekolu nana. Na Paulo kekahi i kokua i keia hana. Pela mai keia Buke Moremona. Kupanaha loa ka hoopunipuni! I 0 ko ke kanaka manao keia, o ka lawe ana 1 na wahine lehulehu; noloko mai o ko ke kaka naau ino, kolohe, keia manao, aole no ke Akua mai, aole loa. E nana iki kakou i ka mea a ke Akua i ao mai ai. 1 kinohi, hana mai ke Akua i hookahi wahine, aole elua, i kokoolua no ke kane, a haawi mai keia kanawai mau, Kin. 2: 24, “E haalele aku ke kanaka i kona makuakane a me kona makuwahine, a e pili aku oia i kana wahine; a e lilo laua i io hookahi.” Aole lakou ekolu, eha, aka, o laua elua, hookahi kane hookahi wahine. Oia ke kanawai mau a ke Akua i haawi mai. Aole hoopau mai ke Akua r keia kanawai, a hiki i keia manawa; na ka naau ino o ke kanaka e hana ku e i keia kanawai maikai a ke Akua. Na kekahi mamo kolohe a Kaina e hoomaka i keia hana, o Lameka. Ua hoomahui kekahi poe haipule ia ia, o Aberaharaa ma. No ka loaa ole ia Aberahama ke keiki i kana wahine ponoi o Sara, haawi mai o Sara ia Hagara i wahine nana; aka, hiki koke mai ka pilikia iwaena o laua, ka lili, ke ku e, ke kipaku. Nolaila, ua maopopo ka pono ole o kela papalua ana ona wahine. Pela no ika hoomahuahua ana o Iakobo i na wahine; hiki koke mai ke ku ea me ka haunaele. O Davida kekahi, nui kona pilikia no ka mahuahua ana ona wahine. Ku ena wahine, ku ena keiki, a haunaele no, a piki loa noo Abesaloma. No ka mea, aole hana lakou mamuli o ko ke Akua manao, ma ke kuko no o ko ke kanaka naau. O ka lehulehu o na kanaka haipule kahiko, aole lawe lakou i na wawahine lehulehu, lawe i hookahi no. Pela o Noa a me kana mau keiki, pela no o Isaaka a me Iosepa a me Lota, a me Mose a me na mea eae he nui loa. Pakahi ka wahine a lakou.

Aole manao nui ia, he hewa nui keia hana i kela wa e like me keia wa e noho nei. Ua powehiwehi ka ike, pouli no i kela manawa; a hiki mai Iesu, ka malamalama nui mai ka lani mai, alaila ua hoopauia keia hana ma ke kanawai Kristiano. Ua ae paha o Mose i keia hana no ka paakiki o ka naau o na kanaka, aole no ka pono io; aka aole paha e hoapono o Mose i keia hana, no ka mea,olelo mai o Mose ma ka Oihk. 18: 18. “Mai lawe oe i ka wahine me kona hoahanau wahine pu.” Ma Kanawailua 17: 17, “Mai hoomahuahua hoi oia i na wahine nana.” Ua hoole ke kaula o Maiaki i keia hana, Maraki 2: 14 15. “Aole anei i hana oia i hookahi?” Eia ke ano; Aole anei i hana ke Akua i wahine hookahi na ke kanaka hookahi? Nolaila, mai hana ino oe i kau wahine ponoi i ka lawe ana i mau wahine hou. Pela mai keia kaula a ke Akua. A hiki mai Iesu, kuhikuhi pono mai ia i kela kanawai kahiko o ke Akua, Olelo mai oia, Mat. 19: 4,5, “Aole anei oukou i heluhelu, O' ka mea nana laua i hana i kinohou, hana iho la ia, he kane, he wahine? I iho la ia, no keia mea, e haalele ke kanaka r kona makuakane a me kona makuwahine, a e pili aku ia me kaaa wahine a lilo laua elua i io hookahi.” Nolaila, olelo mai Iesu, aole pono r e waiho aku i ka wahine mare, a rnare hou. Ina rnare i wahine hou, o ka moekolohe no ia, ke hemo ole kela wahine mamua no kona moekolohe ana. Ua paa ma ke kanawai mare i kela wahine mamua, noliaila, ina mare i wahine hou,o ka moekolohe no ia. Pela 'v hoakaka mai īesu, a maopopo loa no. Nolaila, kupanaha loa o kela olelo ana a ka poe Moremona, ua kokua mai o Iesu i ko lakou mare kolohe ana i na wahine elua, ekolu, eha ! ! O Paulo kekahi, i hoole loa i keia hana. Olelo mai ia, l Kor. 7: 2, “ ua pono no i kela kane i keia kane kana wahine iho, a ua pono no i kela wahine i keia wahine, kana kane iho. ” I hookahi kane i hookahi wahine. Pela ma 1 Tkn. 3: 2. “ Eia ka pono no ke Kahunapule, he hala ole, e kane ana ia na ka wuhine hookahi, ” aole na na wahine elua, ekolu. Aole hala ole ke Kahunapule ke hana pela. Pauku 12, “ E pono hoi e lawe pakahi na puuku ekalesia i ka wahine;” aole lawe papalua, papakolu. Ina hewa keia hana i na puuku ekalesia, aole anei he hewa i na hoahanau e ae ? He hewa no. Pehea ka poe Moremona, ua ae anel lakou, e lawe na hoahanau i wahine lehulehu, aole ae e lawe na luna ? Aole loa pela, o na luna o lakou ka poe. lawe nui i na wahine. Nolaila, he wahahee loa ka lakou olelo ana, ua kokua mai oPauloma ka lakou hana. Ma keia mau olelo, ua maopopo loa ke ku e ana o ka aoao Moremona i ku Eaihala, hookekee lakou i ka olelo a ke Akua, kokua lakou ma ka moekolohe a me ka haunaele. Mai puni kakou i keia aoao hookae i ka pono. E hoopaa i ka pono io a ke Akua i hoike mai ai. Ina makemake ke Akua e nui na wahine a ke kanaka hookahi, no ke aha la ia i hana ole mai i mahuahua mai na wahine ? a i hapa mai na kane ? Aole loa pela ka ke Akua hanaana, kokoke like no, o na kane ka

mea i oi iki aku mai ka wa kahiko loa mai. Nolaila, ua maopopo loa ko ke Akua manao, a me ka hewa io o ka mare lehulehu i na wahine. Ua ike hoi kakou, oia ka mea e ino ai ka noho ana, Aole malu ka hale, nui ka lili, nui ka hakaka, nui ka haunaele, pono ole ka malama ana ina keiki. Nolaila aole pono kakou e koho ma ka aoao Moremona, ka aoao no ia o ka make. Kl.