Ka Elele, Volume 9, Number 15, 1 October 1854 — HALAWAI NOKANUPEPA HAWAII [ARTICLE]

HALAWAI NOKANUPEPA HAWAII

I ka po o ka la 12 o Augate. halawai kekahi poe Luna Makaainana, ke Kuhina Aopalapala, me ke Kiaaina o Haw'aii, a me kekahi poe e ae, e kukakuka ma na mea e pono ai ke pai ana i kekahi Nupepa ma ka olelo Hawaii. Eia na manao i hooholoia e lakou i ko lakou halawai ana. 1. Hooholoia. E paiia ka Elele Hawaii i

hookahi pepa i kela hebedoma keia hebcdoina a pau na i.epa 24 o keia makahiki e hele nei. 2. Hooholoia. E hoomahuahua ae i ka Elele a like ka nui me ko ka Nu Hou, a e paiia i elua pepa i ka malama, a i ole ia, o ka Nu Hou no, e ( ai a i elua pepa i kela malama keia malama. 3. Hnoholoia. Elua dala uku no na pepa he 48 i ka makahiki. o ka Elele Hawaii paha, a i ole ia, o ka Nu Hou no, ke laweia 3,000 o kela ( epa, keia pepa me ka uku pono mai. 4. Hooholoia. O na Luna Makaainana i komo iloko o keia ahakuka, he poe luna paipai aku i na kanaka ma ko lakou wahi iho, ka poe inakemake e hoomauia ke pai ana i kekahi Nupepa ma ka olelo Hawaii, a e hoike koke mai ua poe luna nei i ka poe Komite e noiio ana ma Honolulu, ina o Limaikaika la, i ka nui o ka poe makemake Nupepa Hawaii i loaa ia lakou, i mea e maopopo ai. 5. Hooholoia. E kohoia o Limaikaika, o Kalaka, o Masi. o Maikai a me Kalama i mau Komiie nana e hooj i ka hooiaio ana i na mea i hooholoia e ka aha no ka Elele; a i ole ia no ka Nu Hou paha, aia no ia lakou ka ike i ka pnno a me ka pono ole o ka hana ana, e hoikeia no ma ka Elele. ia mau mea a pau- S. P. Kalama. Kakauolelo. Akahi no a loaa mai keia palapala a Kalama; nolaila ka pai ole. Eia ka pono, e hai koke mai na Lunamakaainana a me na mea e ae i komo iloko o keia halawai, i ka nui o na kanaka ma ko- lakou apana, e ae mai i na dala elua no ka makahiki, no ka nupepa e like ka nui me ka Nu Hou, e paiia he 48, iloko o ka mak. eha vka malama. Ina i loaa 3,000 ka poe makemake, me ka uku pono mai, alaila hiki. Eia nae paha ka pono, e mau no ka Elele e like me keia wa; e paiia nae i kela pule, i keia pule, a o ka uku hookahi dala no ka mak. 48 pepa. E aho paha ia; nui na mea i paiia, a lohe pinepine hoi oukou i na mea hou. Pehea keia? E noonoo na luna, a e hai mai. E ninau nui i ka poe makemake, i ka pepa nui, me ka uku $2, i ka mak. a me ka poe makemake e uku i $ 1, no ka Elele, ke paiia i kela pule, i keia pule. A lohe na Komite, alaila, noonoo makou, a hana iho. Kimaikaika.