Ka Elele, Volume 9, Number 15, 1 October 1854 — MAKE EMOOLE!! [ARTICLE]

MAKE EMOOLE!!

1 ka la 13 o Sepatemaba, make loa kekahi kanaka o Waikohu kona inoa, ma Maemae Honolulu Oahu, make kauoha ole kona make emoole ana. Eia ke kumu o kona make ana, i hele oia i ke kanu pohuli maia ma kuaauna loi, o kona hina aku la no ia, iloko o ka loi ai, a ike aku la kekahi kanaka ia ia e waiho mar ana nei mea iloko o ka loi, a ike aku la he kanaka ua make loa, ua paapu loa na maka a me ka waha i ka lepo o ka Loi, a kiiia mai la na kanaka a halihali ia’ku ma ka hale. Auhea oukou e ka poe a pau e heluhelu ana i keia, ma ka Elele Hawaii, e noonoo mua kakou i ka hope o keia make ana, o ko kakou ola he mahu no ia i pua iki ae a naIb iho, pela ma ka Palapala Hemolele. Aloha oukou. S. Kanakaole. Kawaiahao , Sep. 14, 1854.