Ka Elele, Volume 9, Number 16, 15 October 1854 — KA LA HOOALOHAI OHA AKU I KE AKUA [ARTICLE]

KA LA HOOALOHAI OHA AKU I KE AKUA

E ike auanei oukou, i ka olelo hoolalia a ke AI.i, e hoomaikai aku kakou iu Iehova ika la 30, o Novemaba. He \ ono ia, ke hanaia me ka oiaio, ame ka noonoo pono. No ka mea, he oiaio inaoli no; ua mau no ka lokomaikai oke Akua i keia lahuikanaka. Eia nae ke ano o ka hoomaikai pono aku ia ia, o ka hoomaemae ia kakou iho i na mea ano ino a pau. Ina ma ka lealea, a me ka ahaaina ana, a me ka haalele ole i ka hewa, ka hoomaikai ana, ua hewa; poho loa ; aole ona oluolu mai i ko kokou hoomaikai ana. Mai kuhihewa ; aole ia he iā kapu no ke Akua mai ; aole loa. He la hui a pau loa e hapai aku, a e hooalohaloha aku ia la, no kona aloha mau mai ia kakou. He inea mau keia ma na moku o Am. Huipuia, i ka malamao Novemaba o kela makahiki, keia makahiki. He la makemake nui ia keia eka poe poe haipule.