Ka Elele, Volume 9, Number 18, 15 November 1854 — NONA KEIKI MAHIAI MA WAIMEA KAUAI. [ARTICLE]

NONA KEIKI MAHIAI MA WAIMEA KAUAI.

E ka Elele Hawaii. Aloha oe ; No kuu lohe ana o oe ka mea nana e hoolaha na manao o ka poe manao ; ke noi aku nei au ia oe, e hoopuka ae i ko’u manao, mai huna iho oe. Eia ua manao la. I ka la 31 o Aug. iho nei; hoomaka au me kau poe haumana i ka mahiai, he 27 ko lakou nui, “a penei ke ano o ka hana ana, i ke kakahiaka mua, o ko ke kumu, a hoomaka hou ko kekahi keiki, a pela aku a pau like na keiki, no ka mea, ua mahele au 14 keiki ma ka hana e like mela ke ano. Eia na inoa. Laamea, Kualaau, Pakiko, Hookau, Kanahele, Moki, SoIomona, Kanaloa, Namalama,

Nakolahi, Kapuahulahi, Kimokeo, Lukela, Kalahoolewa. A o keia poe keiki, he poe makaala ma ka hana, he poe hooikaika ma ka manao ole i ka luhi; aole molowa. Hoomaka ka haua ana mai ka horn 7 o kakahiaka, a hiki i ka hora 12 o keawakea, alaila, pau ; A hoi ma ke kula i keahiahi. Ahe mea nani, a maikai ka mahiai ke huipu me ka naauao. Na ke kumu i j>aipai i keia hana. Na ke Akua e kokua mai i pono ai. Na J. N. Palaile. TVaimca, Kuuai, 13, Scpat. 1854. He kula maikai maoli keia a Palaile; ina pela na keiki a j)au, hui ka nui naauao, me-ka liana, pouo loa. Nui wale na keiki ike i ka palapala ; aole ike i ka hana ; makau loa i ka luhi. A nolaila poho ko lakou ike. E hui ka ike me ka haua, alaila maikai.