Ka Elele, Volume 9, Number 18, 15 November 1854 — LUAHINE KAHIKO, E OLA NEI. [ARTICLE]

LUAHINE KAHIKO, E OLA NEI.

E ka Elele Hawaii; Aloha oe. He wahi ai kupono e maona ai ka mau keia ai, a maona hele aku oi malumalu. Akahi e loaa’i ia oe kekahi kanaka kahiko e ola nei. E kahea leo nui mai oe, e hai aku nae oe i ka lohe ma kahi au e hele ai. Eia maanei kekahi luahine kahiko e ola nei o Kanekuapuu kona inoa, Ua olelo mai oia ua paa kona pau, a hele oia i ka hula a Peleioholani i ke kula o Alele ma Kailua, Oahu. E! e! kahiko paha keia wahine ! Owai o kakou e ola ana i keia wa, e loaa'ku ke ola o kela luahine? Aole; ke emi mai nei na la, ke holokiki nei na hora. Ehia alii a puka i keia vva mai a Peleioholani mai? Eia ko lakou niau inoa, o Peleioholani, o Kumahana, o Kahahana, o Kahekili, o Kalanikupule, o Kamehameha, o Liholiho, o Kauikeaouli. Oia na ’Lii a keia luahine i noho ai. Owau me ka mahalo aku. J. II. K.