Ka Elele, Volume 9, Number 18, 15 November 1854 — HE KANAKA NALOWALE. [ARTICLE]

HE KANAKA NALOWALE.

Eka Elele Hawaii e, Aloha oe. He wahi mea iki ka’u e haawi aku nei ia oe, a nau ia e hoomahuahua iho, a me ko kaikai hele aku ma ko Haw’aii nei a puni. Eia ua wahi mea la, i ka la 9 0>ct. nei, nalowale kekahi kanaka o Kaelemakule kona inoa ; penei ke kumu o kona nalowale ana. I kakahiaka oua la la, ala ae oia, a pii i ka ai, a hoi mai oia kahumu, a mahope iho, olelo kekahi mau keiki, o Kalanui a me Keaupuni, e hele kakou i ka auau, ae mai kela, ae ; hele ua mau keiki nei mamua, kii kela i ka laau oia a hele aku la ma kahi e ae ; hele ua mau keiki nei, a hoi mai, huai i kaumu a pau ka ai i ka ihi, olelo kekahi keiki, aohe hele ana a koe a ke kanaka noho a liuliu, olelo hou no, aohe hele ana a koe ake kanaka. Alaila, noonoo kana wahine, hele aku la e imi ia ia, loaa ia ia o kona kapa ; wale no, alawa kela ma o a ma o, aole ike i kana kane, manao iho la keia ua pau i ka Mano i ka ia huhu o ke kai, uwe ia me ka leo | nui, auwe kuu kane ! auwe kuu kane ! Huli kela aole loaa iki, hoi aku la a hai aku aole ku’u kane, hele aku la na mea a pau e nana ia ia a e imi aole loaa iki apo ia la, ea ! Ua pau io paha i ka Mano, ina ua pau akaka kela olelo kahiko, ka ai a ka Mano ma na kumu pali, o ka pali wale no ia e nana nei i ka ilihualala oka moana aole kela. Aloha ino, ke huli ia nei oia ma o a ma o aole loaa iki a hiki i keia la. Na G. W. Kahiolo. Honomakau , K ohala, Hawaii, Oel. 26, 1855,