Ka Elele Poakolu, Volume I, Number 24, 16 February 1881 — He mau Rula Hooponopono a ka Papa Ola. [ARTICLE]

He mau Rula Hooponopono a ka Papa Ola.

Ke hoikeia aku nei ma keia, ua hana iho nei ka Papa Ola, a ke hoolaha aku nei i na > rula hooponopono malalo iho nei: I Aole e haalele kekahi moku i ke awa o Honolulu no kekahi mokupuni e aku o keia Paemoku me ka ae pono mua ole ia, me ka palapala ae, mai ka Peresidena o ka Papa Ola. II. Aole e ae ia kekahi moku e haalele ana i ka mokupuni o Oahu, e lawe aku i kekahi ohua i kekahi mokupuni o aku o keia Paemoku, me ka loaa ole o ka palapala ae mai ka Peresidena aku o ka Papa Ola. III. Aole e ae iu kekahi moku e holo aku rnai ka mokupuni o Oahu, no kekahi awa a wahi e ae paha o keia Paemoku e hoolele aku i kekahi mua iuka, koe wale no ka hoolele ana i na ukana i kahi i oleloia ma ka palapala ae malalo o ka Rula I i hoike mua ia maluna. IV. Aole e ae ia kekahi mea e holo aku mai ka mokupuni aku o Oahu, no kekahi mokupuni o keia Paemoku me ka loaa ole o ka palapala ae a ka Peresidena o ka Papa Ola. O ka mea kue i na Rula Hooponopono i hoikeike ia ae la, e hoopii ia no e like me, ka palena piha o ke Kanawai. O keia mau Rula Hooponopono a me na Rula hoolaha mua ia, aole no i manao ia e pili i na moku a me na ohua paha e holo aku ana oo na awa o ko na aina e. E mau ka mana o keia mau Rula Hooponopono a hiki i ka wa e weheia ai ma ke kauoha a ka Papa Ola. H. A. P. CARTER, Peresidena o ka Papa Ola, Keena o ka Papa Ola, Honolulu, Feb, 14, 1881