Ka Elele Poakolu, Volume II, Number 6, 13 April 1881 — HS PITA ROSE NO KAPIOLANI. [ARTICLE]

HE PUA ROSE NO KAPIOLANI.

Auhea wale oe e ka ua, Ma ka lau koa la o Nuuanu, O ke Kamakahala ka'u pua, A i koolua hoi no ka Ahihi, E maliu mai e ke onaona, Eia ko lei hulu mamo, O ka oo manu o Laa, Kuu laahia wale i ka leo, I ka lahui ipo ahi, Mahea hoi au e ke hoa, E hoopumehana ia ai, Ma ko oe alo iho au, I ka poli i ka pili umauma, O ke kapa ia e mehana ai, O na po kehau anu, Eia au a hiki aku, Me ka mohai a ka hihio, E aho au e hooko, I ka leo hoi o ke Kahuli, I kuleana ai o Ulili, E hone nei i ke kualono, Ua kohu kanikani a ula, Ke o i ka ili o ke kai, Akahi a lana ka manao, Eia i ko'u waihona, I ka pa i—ki pili aoao, Haina mai ana ka puana, O Kapiolani i ka iu o luna. MRS. KALEIHIWAHIWA.