Ka Holomua, Volume I, Number 4, 25 October 1913 — Ua Mae ka Pua Lililehua [ARTICLE]

Ua Mae ka Pua Lililehua

Ma ka Poalima mua ī hala, i haalele mai ai i keia ola ana a kaawale mai ka poli aku o ke kane, ka hoapili a hoa ohumuhumu o kā po, i pili ai ka hanu a eha ka umauma, ka wahine aloha i minamina nui ia a ko makou" makamaka William Noa, o kauhale wa!e o makou la i ka Ua Lililehua o Palolo, ke lele ae la i ke ahe lau makani, īele pu no ka anoi aloha a loko me ka waimaka e! Aohe makamaka, ua hooko-o aku la kela i ka pili. XJa ha i ka huila o ke kaa ma ka'e o ka luawai, ua moku ke kaula huki dala, a ua na-ha ka pika wai gula aohe wai o loko. Ua hookohi oia i ka hanau keiki, a hala pu aku la me ka lei makani o kona hora o ka ehaeha, me ka waiho ana iho mahope nei i na lei aloha ana i luhi ai, ke kane, ka ohana ame ka nui o na makamaka. Aia paha oia ke kilohi ala i ka wai hui o Kaauhelemoa, ia wai hui ana i walea ai i na la opio, a i ole, aia paha oia ma ka poli oka Mauloa, me ka puali o ko ka lani mau tausani anela maemae. Ae. Ua pau oia!—Ua hala ma-o!-Ua kuu ka'luhi! Aloha! Aloha nui!! Alōha nui loalīl Luuluu wale hoi! —JVa ha Zj. H.