Ka Holomua, Volume I, Number 20, 14 February 1914 — E Kakoo i ka Pono [ARTICLE]

E Kakoo i ka Pono

E hoomknaoia e ko makou mau makamaka heluhelu elike me ka makou i hoike mua aku ai, ua akea na kolamu o ka makou pepa i na manao hoakaka o na makamaka no ka hoonaauao ana i ka lehulehu ma na ninau ano nui o ka manawa. Aole makou e kue wale ana ī kela a me keia aoao kalaiaina me na kumu kupono ole, a hana waīe aku ma ke ano lili kalaiaina. He naaupo ia. Aka, iloko oia wa hookahi no nae, e hoike ana no makou i na kina'una'u o na aoao kalaiaina imua o ke akea. i hiki ai i ka lehulehu ke ike i ka aoao pono a lakou e koho ai no ka holomua ona mea apau. O ka aoao auanei e hana ana i ka pono kaulike, oia ka ka lehulehu e kakoo ai. A oia ka makou i hoomanao ae ai i na olelo kaulana a Kauikeaouli ka Moi Loko-maikai---'',o ke Kanaka Pono, o Ko'u Kanaka ia. Oke Keiki Pono, o Ka'u Keiki ia." Na,ka Pono e hapai i ka Lahuikanaka iluna.