Ka Holomua, Volume I, Number 35, 30 May 1914 — Pehea na Hawaii? [ARTICLE]

Pehea na Hawaii?

Oiai makou e hoomaopopo ana i ke kulana nawaliwali o kakou na Hawaii e hiki ole ai me ka hookuanui e loaa ka lanakila tna ke kau koho Ibalota wae mua e hoea mai ana iloko ae nei o Sepatemaba 4 a pela hoi me ke kau koho mau o Novemaba, e laa ka nui o na hoolilo a ka mea e holo moho ana e auamo ponoi ai, ka uku ana paha i na poe kokua a hooikaika nona, na lilo pa'i no ka hoolaha ana, na lilo kaa me kaahele, ame kekahi mau hoolilo kupono e ae, ehia la o na Hawaii kuonoono e hiki ke ku ae me ka maloeloe a ae e holo i moho me ka ana i keia mau hoolilo nui» Oka hapanui, he poe -kupono ole a nele. O ka m~ea mau i ikeia no na Hawaii i na wa i hala, oia ko lakou • kakooia lina me na hoolilo o ka aoao kalaiaina i loaa ai ka lanakila ia aoao, a pela e loaa pu ai ka lanakila ia lakou. Aka, ina elike me na olelo i haliia mai ia makou, na na moho ponoi no e auamo i ko lakou mau hoolilo, alaila, e emi loa mai ana na Hawaii kupono i ka holo moho. K lilo nae keia i mea e ikeia ai na kanawai hoohaiki a ka āhaolelo i hala i hana ai, a e lilo hoi keia i wa no ka poe e makemake ana e hoio moho- e hoaponopono ai ia lakou iho. A ina makemake ka lahui no ka hoomama ana ae i na kanawai hookaumaha, e koho i poe ,kupono a kuokoa.