Ka Holomua, Volume I, Number 38, 20 June 1914 — Mai Puni i ke Aloha Aina Waha-nui [ARTICLE]

Mai Puni i ke Aloha Aina Waha-nui

Nohea mai kau mau ohikau e Aloha Aina e wahahee nei imua o ka lehulehu i mea e hiki ai ia oe ke alako aku i na poe Home Rula iloko o kau aoao, a pela hoi me ka poe e puni aku ana i kau alapahi? Pehea kou noonoo no keia Kukala a Chas. K. Notley e hoopukaia aku nei maluna ae? He hoopunipuni anei keia mau olelo, a o kau wahahee ka pololei? Ea; e oluolu oe e mihi i kou lawe wale i ka inoa maemae ma ke ano hoopunipuni imi loaa, a e hoopau i kou epa ana i huikala aku o Kahiliaulani ia oe. O kekahi, e pule mau oe e alakai ia kakou apau ma ka pololei, i huikala mai ai ke lehulehu i kou hoopunipuni akea. E hoopau ka apaapa. No Kahiliaulani, oia no ka Peresidena o ka Aoao Kuokoa Home Rula, aole oia i haalele. E oluolu oe e hoike aku imua o ke akea i huikala aku Ka Holomua ia oe. He kolohe maopopo loa keia ou e hila ole ai ia oe ke alo ae.

Peia iho oe e Aloha Aina a onou kalo aku makou e puua ai ka waha. Ua ike makou ia Charles Fern, ua noho pu, a na ka Meia no i malmaa no ka wa loihi. Pehea ia?