Ka Holomua, Volume I, Number 40, 4 July 1914 — NA HANA A KA ELELE LAHUI MA WASINETONA [ARTICLE]

NA HANA A KA ELELE LAHUI MA WASINETONA

Pauku 1. O ka manao o ka Aoao Kalaiaina Kuokoa Home Rula, oia no ka hooikaika ana o ka makou Elele Lahui ma ka Ahaolelo ma Wasinetona D. C. e ae ia mai ka Panalaau (Teretori) o Hawaii nei i kulana Aupuni Mokuaina (State), a e kakoo pu aku ana makou i na alakai aupuni hooponopono a kaulike a ka Aoao Repubalika a Demokalaka ma Amerika Huipuia.

Pauku 2. O ka aoao kalai aupuni ma Amerika Huipuia, e kakoo ana i keia Kumuhana, e hoolilo ana i ka Panalaau o Hawaii nei i Aupuni Mokuaina, (State) no Amerika Huipuia, oia ka ko makou Elele Lahui e kakoo ai, a pela hoi keia Aoao

Kalaiaupuni ma Hawaii nei e kakoo ai me ko lakou ikaika apau. Pauku 3. E hooikaika no ko makou Elele Lahui ma na ano apau e loaa mai na pono a me na pomaikai kaulike maluna o na oiwi ame na kupa makaainana i manao hana like me ka nana ole i ka ili, aka, e hana ia no ka pono o ka lehulehu. Pauku 4. E kue aku ko makou Elele Lahui i ka hoolilo ia o ka Panalaau o Hawaii nei ma ke ano i Aupuni Komisina, a i ole, Aupuni e Hoomaluia ana malalo o ka Oihana Koa o Amerika Huipuia. Pauku 5. Ke Hoopaa nei makou i ka makou Elele Lahui e kiai makaala loa i ka pono Koho Baloka o na kanaka Hawaii e like me ia e upu ia nei e hoololi ae mai ke a-na naauao a ke a-na waiwai, a i ole, ma kekahi ano e ae. Pauku 6. E hooikaika ka makou Elele Lahui, e kuaiia na kai konohiki i Hookahi Haneri Tausani Dala no na Kupa Makaainana Amerika o keia Panalaau. Pauku 7. E kauoha pu ia ka makou Elele Lahui, e hooponopono hou ia ke Kanawai Aina Aupuni Home Hookuonoono, Hooholoia ma ka M. H. 1910 eka Ahaolelo Lahui, oia hoi, e hookomo ia ka waiwaiio o ka Eka Aina iloko o ke Kanawai e like me ke Kanawai Hookuonoono o ke Aupuni Makua. Pauku 8. E noi aku ko makou Elele Lahui i ka Ahaolelo Lahui, e hookaawaleia i Eilma [Elima] Miliona Dala mai loko ae o na Loaa Dute o ke Teretori o Hawaii o na makahiki i hala ae nei, no ke kokua ana i na poe lawe aina Home Hookuonoono, i kulike ai me na hooponopono; ana a ke Aupuni Amerika ma ke alawai oki o Nicaragua ma Panama. Pauku 9. E noi aku ka makou Elele Lahui i ka Ahaolelo Lahui, e hookaawaleia i Ekolu Miliona Dala no ka hooponoponoia ana o na alanui apau o ke Teritori, oiai o na alanui apau o keia Teritori, he waiwai no ia no ke Aupuni Federala. Pauku 10. E hooikaika ka makou Elele Lahui, e kauia he dute o 8@ keneka no na paona kope apau e komo mai ana iloko o Amerika Hupuia mai na Aina e mai. Pauku 11. E hooikaika hou ko makou Elele i ka Ahaolelo Lahui, e hookaawaleia i Bila Haawina Dala no ka noii, a imi, a huli ana i na Oiloilo Ma'i Lepera ma Kalaupapa ame Kalawao, Molokai. Pauku 12. E noi aku ka makou Elele Lahui e hoomaopopo hou aku oia i ka hoomau