Ka Holomua, Volume II, Number 6, 7 November 1914 — I na Poe e Lawe nei i KA HOLOMUA. [ARTICLE]

I na Poe e Lawe nei i KA HOLOMUA.

Ia oukou e na poe helehelu e lawe nei i ka Nupeoa Ka Holomua e noho aie nei i ka pepa; e oluolu no hoi lakou e noonoo mai ia makou, oiai, ke hanaia nei keia hana e makou me ka hoomanawanui. A ke kauoha maopopo nei no hoi'na rula o ka Haleleta, e hoo una wale ia no ka pepa i na poe i uku mua mai i ke ola oka pepa, a aole loa e hoounaia kekahi kope o ka nupepa i na poe i uku mua ole mai i ka lakou dala no ka makahiki hookahi, a i ole, eono mahina. Nolaila, mai haohao e na poe lawe pepa no ka paaia o ka oukou nupepa, no ka mea, o ko makou hooko ole ana ina rula 0 ka Haleleta, o ko makou ae ana no ia e laweia aku ka pono 1 loaa ia makou i keia wa ma ke kaupaona. Nolaila, e na poe lawe i ka makou nupepa, e oluolu e hooko mai iko makou rula. Oka uku mua ka mea e loaa aku ai ka pepa, a o ka uku ole mai ka xnea e nele ai ika pepa. Ona hookaa dala ana, e hoouna pololei mai ma ka inoa o ka Luna hooponopono»