Ka Hae Hawaii, Volume 1, Number 17, 25 June 1856 — NO KA HOOHIKI I KE AKUA. [ARTICLE]

NO KA HOOHIKI I KE AKUA.

Mokuna I. He mea nui loa ka hoohiki ana i ke Akua; ua pili i ka maluhia o ka waiwai, a me ka noho ana a me na pono a pau o na kanaka. Ina i ike ka lehulehu i ke ano maoli o ka hoohiki ana i ke Akua, a hoohiki hoi mc ka oiaio, ma na ahahookolokolo, a malama i ko ' lakou hoohiki ana me ka weliweli, he nui loa ka.pono e loaa malaila. He mea ia e pololei ai na olelo a na hoike, a no ia hoike pololei ana, ua maopopo ka pono e hooholoia’i; n itia hoi mn na hana nni a pau, na hana aupuni a me na hana e ae, e «like me ka mare ana o ke kane me ka wahine, hann oiaio ka poe hoohiki, e like me ko lakou ike ana he pololei, 'plaila, nui Ipa ka ponp, maluhia, oluolu ka manao o na kanaka, kanalua ole hoi, no ka hana ana a ka poe hoohiki. Ina nae naaupo na kanaka ma ke ano o ka hophiki i ke Akua, a lilo ia i mea uuku, a hoohiki lakou me ka norvhoo ole, a rne ka makau oie; lauwili hoi ko lakou hoike ana, a me ka huna ana, kupono ole i ka oiaio, auliea ka pono i koe? Ua haule ilalo ka mea i manao ia, he kumu paa loa no ka hana pololeu. PiUkia loaa me ka haunaele, hewa kamea pono, a pono hoi ka mea hewa, huikau loa, no ka hoohlki wahahee ana. Penei e maopopo ai: Ua hoopiiia o A * imua o ka ahahookolokolo no ka pepehi kanaka, me kona hewa ole. Ua hoopiiia mamuli o ka huhu a me ka hoomauhala paha o kekahi; a ma ka hookolukolo ana, laweia mai na hoike, hoohiki lakou ma Iehova e hoike pololei no ia ih.ea, a ma ka hoike ana nae hoopunipuni, no ke kipe paha, no ka manao ino paha i ka mea i hoopiiia, no ka paipaiia e na loio paha; a pau, nana ke Jore a me ka aha i keia olelo hoopunipnni, manao lnkou he oiaio, no ka hoohiki ana ia Iehova, o ka hewa no ia p keia kanaka pono, a lawe ia kona ola me kona hewa ole. He mea weliweli loakeia, e poino ai ka noho pu ana o kanaka. Ina hoi* i hoopiiia ke kanaka hewa maoli, a k \i na hoike a hoohiki 5 ke Akua ola mau loa, e hai pololei i na mea maopopo ia Inkoa, a ma ka hoike ana hoopunipuni, o ka puka nō ia o kela kanaka hewa e hele a hoohaunaele hou. Auhea ka mea e pono ai?

Poino ka lehulehu i keia kanaka makau ole i konahoohiki ana i ke Akua, lanakila kahewa ia ia. Ma kona hoohiki ana ike Akua, ua manaoia e hai pololei, e like me kona ike ana, aole ka! Ua lilo kona hoohiki ike Akua i mea ole. . •

Eia kekahi: Ua kohoia K— i lunakanawai nui, a komo oia iloko o kana hana nui, auhea ka mea e maopopo ai kana hana poloini? Ma kona hoohiki ana i I.e Akua. Hoohiki nae oia, a maliope poina, palaka, a niakau.ole i kona hoohiki ima, paewaewa kann hana ana, kapulu hoi. Auhea ka mea e pono ai? Ua manao nui ia ]cona hoohiki nna i ke Akua, e pono kana hana ana, ua ole nae. Pela no hoi ka poe mare, ua hoohiki ia ke Akua e alolia mau, a malama kekahi i kekahi, ke knne me ka wahine; ao ia hoohiUi ke kumu i manaoia’i e kupaa ana; a ina i malamaia, pomaikai, paa mau aku ka pono o ka npho ana; aka, ina i lilo keia hoohiki ana i mea liilii, makau ole ia, o ka poino ka hope. Pela no hoi na mea hoohiki a pau loa i ke Akua, he mea ia e pololei ai kahana ana, no ka makau i ka huhu a me ka hoohai nna o ke Akua, ame ka make mau. Ua pili keia ina luna a pau o ke aupuni, mai na ka Moi, a i na kuhina, kiaaina, lunakanawai, luna dutc, luna helu, hoike iloko o na ahahookolokolo. Nolaila, o ka hoohiki i ke Akua, kekahi kurnu nui e pono ai ke aupuni a me ka noho ana ona kanaka, a e pono e manao nui ia. O ka poe ike ole a hoomaopopo ole i ke ano o ka hoohiki ana i ke Akua, a hoolilo la mea i mea liilii; he poe ku e lakou i ka pono o ke aupuni a me ka lehulehu, hoohiolo lakou i kekahi kia o ke aupuni, lawe aku lakou i kekahi pohaku kumu o ko kihi, a me ke "eao ka aina.”

Eia koe:. Ma Hawaii hei, oa maopopo loa, aolē i manao nui ia ka hoohiki i ke Akua e ka nui ona kanaka. Ua hai mai na loih apana, a me na lunakanawai, i ko lakou kaumaha loa no ka hoohiki wahahee o na kanaka i ke Akua iloko o na ahahookolokolo. Ua maopopo loa, a ua hoopaiia kekahi poe no ia nui, eia ke paa nei i ka hao. Ma ka nana ana i na.hoike, aole wahi makau iki; nne he mea la he hana paani wale no, ko lakou hoike ana, lauwili na olelo, ku e kekahi olelo i kekahi, he okoa ka hoike ana i keia la, ahe okoa inehinei, Aole o na kanaka maoli wale no, o na haole kekahii hanapela. Ua paa i ka hao kekahi haole mamua aku nei no kona hoohiki wahahee ana imuaokaahahookolokolo. No ia mea, hemahema ka hookolokolo ana; aole loaa ka pono, no kapono ole ona hoike. Aole hiki ke manao ua pololei ko lakou hoike ana mahope o kahoohiki ana i ke Akoa.

Nolaila, oa manaoia he mea pono ke ao nui aku i.na kanaka no keia mea, a e wehewehe imua o oukou i ke ano nui o ka hoohiki ike Akua. Oka mekuna akahi keia o keia olelo, a na koe kekahi mau mpkuna, aole ak&hi ka nui. L.