Ka Hae Hawaii, Volume 1, Number 17, 25 June 1856 — KA MARE ANA O KA MOI. [ARTICLE]

KA MARE ANA O KA MOI.

‘ O ka la 19 o lune, 1856, he la nui ia a mc ka maikai ma Honolulu nei, a mako Hawaii

pae aina no hoi. I kakahiaka, nani loa ka puka mai ana o ka la, a oluplu ka makani mauka mai. Paa na haie kuai a me na hale pahana, a malie no hoi, me he la Sabati la. Piha na alanui i na kane, t wahinej a me na keiki, e hui inai ana, mai kela aoao keia aoao mai. Ua aahu ia lakou ika lole maikui lon, lole keokeo, ulaula, a pela aku. Uakaliikoia ka luakini inai o a o i ka maile, a ua haliliia ika moena. Ua nani maoli. Makaukau na koa—na koa lio, a ine na koa wawae me.na pu. Ua haliliia kc alanui inai ka Hale Alii a i ka luakini o Kawaiahao i ka mauu. I ka hora 11 o kakahiaka, ua piha ka luakini i na haole a me na kanaka maoli, na wahiue, kane, a me na keiki; na luna ona aina e, o na manuwa, a me na mea hanohano a pau. A, ika hora 11J holo oEmma, ma ke kaa lio maikai me kona mau hoa, ame na’lii o Kamamalu ma, a hiki ma ka puka makai o ka pahale ālii, holo pu ka Moi, me kana mau hoa, o ka Mea Kiekie L. Kamehameha, ame na’Iii, a me na luna koa. Kapalili na kahili a me na hae o ka Moi, a O* ke aupuni. Ki aku na pu ma Puuowaina me ka leo nui, a nani loa ka hele ana o keia poe hanohano, Hele ae la lakou māwaena o na laiani koa a me na lalani hulumanu o ka Moi; a hiki i ko luakini, komo mua o Emma ma, a pii ma k&hi makaukaū no ka mare ana, a mahope, puka mai la ka Moi, aku mai la lakou penei: nia ka aoao mauka o Emma, me kona mau hoa, oia hoi, o ka Mea Kiekie V. nu, ka Mea Hanohano Lydia Kamakaeha, a rne Mele Piiimana. Nani loa ka uiaikai o keia mau wahine opiopio.

A pili me lakou, o Kauka Rooke, oia ka makuakane o Emma, n mfe ka Mea Kiekie o Keoui Ana, a me kekahi mau alii e ae.

Ma ka aoaomakai, ku mai la ka Moi, me ka Mea Kiekie o L. Kamehameha, a me ke Kiaainao Oahu, oia hoi o Kekuanaoa, a me kekahi mau mea hanohano e ae, a pili me keia wahi ku iia luna o na aina e, a me na luna koa, a ttie na mea hanohano a pau. A makaukau lakou a pau, ku mai la o Limaikaika a mare iho !a oia ia laua me ke ano maikai loa. Eia hoi kt ano o ka mare ana: