Ka Hae Hawaii, Volume 1, Number 17, 25 June 1856 — OLELO MARE. [ARTICLE]

OLELO MARE.

(Olelo akuhe Kahuna i ka Lehulehu.)

E na niakamaka, ua akoakoa kakou raaanei, imua o ke Akua, a me na kanaka, e jioohui i keia kane me keia wahine ma ka mare : hemolele ana ; a ua olelo ia e Pau|o, he mea hanohano keia iwaena o na kanaka a pau; a nolaila, aole pono ke hanaia me ka noonoo ole; e pono no e hanaia keia mea nui me ka makau, me ke kuoo, a me ka makau i ke Akua. Ua hele mai laua nei, e koino iloko o ka beri(a niare hemolele. Ina hoi makaukau kekahi e lioike mai i ke kumu e mare ole ai laua, e hai mai ano; a i ole, ma keia hope aku, e paa kona wnlia. (Olelo aku ke Kahuna i na mea Mare. ) Ke kauoha aku nei au ia olua, (a e hookolokoloia mai olua no keia mea, i ka la hookolokolo weliweli, kahi e weheweheia’i na manao huna o na naau a pau,) ina ike kekahi o olua i ke kumu pono e mare ole ai, e like me ke kanawai, e hn( nmi ano; no ka mea, e lohe pololei olua, ina i marc kekahi ma ke aho e ae, aole like me ka ke Akua olelo, aole no e ku i ke kanawai ia mare ana. (Olelo i ke Kane.) E Alexander Liholiho, makemake anei oe e lawe i keia wahine i wahine mare nau, e noho pu e like me ka ke Akua kauoha no ka poe mare, hemolele ana. Aloha anei oe ia ia? e hooluolu ia ia, e malania ia ia i ka wa mai, i ka wa mai ole; e haalele i na wahine e ae a pau loa, a me ia nei wale no e launa nui ai, oiai e ola ana olua pu? Olelo ke kane, Ae. ( Olelo i ka Wahine.) E Emma, makemake anei oe elawe ikeia kanei kane mare nau, e noho pu me ia e lik.e me ka ke Akua kauoha no ka mare hemolele ana? - E hoolohe anei oe ia ia, e hookauwa nana, aloha ia ia, hoonani ia ia, a e malama ia ia i ka wa mai, arne kawa mai ole; ehaalele i na kane a pau loa, a me ia nei wale no o launa nui ai, oiai e ola ana olua pu? Olelo ka wahine , Ae. {Olelo ke Kahuna.) Nawai e haawi keia wahine e mare i keia kane? (Kui na Lima.) (Olelo ke Kane.) Owau, o Alexander Liholiho, ke lawe nei au ia oe, e Emma, i wahine mare na’u, e paa loa ia’u, mai keia lu aku, iloko o kamaikaia me ka ino, ka waiwai a me ka. hune, ka mai a me ke ola; e aloha, a e malama, a hiki i ka wa e hookaawale ai ka make ia kaua, e like me ka ke Akua kauoha hemolele; a nolaila, ke hoohiki nei au e hana pela. (Olelo ka fVahine.) Owau, o Emma. ke lawe nei au ia oe, e Alexander I.iholiho, j kane mare na’u, e paa loa ia’u, mai keia la aku, iloko o ka maikai a me ka ino, ka waiwai a me ka hune, ka mai a me ke ola; e alohn, e malama, ae hoolohe, a hiki i ka wa e hookaawāle ai ka make ia kaua, e like me ka ke Akua kauoha hemolele; a no keia mea ke hoohiki nei au. (.Haawi i ke Komo.) Mo keia komo ke mare nei au ia oe, a me ka’u waiwai o keia ao ko hoolako nei ait ia oe, ma ka inoa o ka Makua, a me ke Keiki, ameka Uhane Hemolele. {Pule ke Kahuna.) E ko makou makua i ka e hoanoia kou inoa, e hiki mai kou aupuni, e hanaia kou makemake ma ka honua nei e like me la e hanaia ma ka lani la. E kaawi mai ia makou i keia la i ai na makou no keia la; e

kala mai i ko makou hewa me makou « knla aku i ka poe hana hewa ia makou; mai hookuu ia makou iloko o ka hoowalewaleia mai, a e hoopakele ia makou ika ino. Amene. E ke’Akua ola mau loa, nana e hana a e malama na kanaka a pau, k-a mea Haawi mai ika pono a pau no ka uhane, a me ke ola pau ole, e aloha mai oe i kau mau kauwa nei, i keia kane, me keia wahine; ma kou ihoa ke hoomaikai nei au ia iaua nei. e like me ka noho pu ana o Isaaka me Rcbeka me 1 ka oiaio, pela no e hana laua nei, a e malama i keia berila, a me keia olelo hoohiki i hanaia iwaena o laua nei, (he heailona keia komo no ia berita,) a e paa mau loa ko laua aloha a me ka mnluhia, a e noho e like ine kou kanawai, ma o Iesu Keristo la. Amene. . (Kui hou na Lima.) ( Olelo ke Kahuna.) O na mea a ke Akua i hoohui ai, mai wehe ke kanaka. (Olelo ke Kahuna ina Kanaka.) No ka mea, ua ae like o A!exander 'Liholiho a me Emma, e noho pu iloko o ka berita mare, a ua hoohiki pela, imua o ke Akua, a me keia anaina, a ua haawi kekahi i kekahi, i ka laua olelo hoohiki oiaio, a ua hai aku ia mea, rha ka haawi ana a me ka lawe ana i komo, a me ke kui ana o na lima; nolaila, ke hal aku nei au, ua mare laua, he kane, he wahine, ma ka inoa o ka Makua, a me ke Keiki, ame ka Uhane Hemolele. Amene. Na ke Akua ka Makua, ke Akuake Keiki, ke Akua ka Uhane Hemolele, e hoomaikai, a e malama ia olua. E nana oluolu mai ke Akua ia olua, a e hoopiha ia olua i kona lokomaikai, e noho pu olua ma keia ao ma ke ano e loaa mai ai ia olua ke ola pau ole, ma kela ao e hiki mai ana. Amene. A pau keia hana maikai, ki uku la oa pu, a kani mai ka poe puhi ohe. A hoi aku la ka Moi me kana wahine mare a me na mea a pau.’ ■ Pela ka raare ana o ko kakou Alii, a lana ko’u manao e noho oia me kana wahine, mai keia wa a hiki i kona wa elemakule, me ka oluolu a me ka pomaikai ia laua iho, a me ka pomaikai o ka lehulehu o ko Hawaii nei pae aina. E ola ka Moi! E ola ka Moiwahine! E ola Kamehameha IV! E ola Emma ka maikai! E ola ko laua keiki ma Hawaiineiika manawa pau ole !