Ka Hae Hawaii, Volume 1, Number 20, 16 July 1856 — MAKE EMOOLE. [ARTICLE]

MAKE EMOOLE.

Julai 3, 1856. E ka Hae Hawaii : Aloha oe!— He wahi nuhou ka’u e hooili aku nei ia oe, a nau hoi ia e hai ae mai Hawaii a Niihau, i ke ano o kona make ana. U 5 make o Mr. Kale he kanaka Hawaii, he hoahanau ekaleeia no ka berita ma Kaumakapili nei. O ke kumu o kona make ana, ua launa kalohe ia me Mere ke kaikaina o kana wahine mare mun, a ua make e ia mamua, a he knne no hoi ka ua wahine nei, he haole, « ua hookolokolo ia laua a ua hoopai ia ma ke knnawai ; ua koi pinepine ia mai e hookaa aku i ko ke kanawai, nolaila nui loa koila aloha ua wahine kaulele wale mai nei no mawaho, nolaila ; ai kela i ka opiuma, a hiki wawe loa kona make ana i keia la 2 o keia malama, ua ai oia I kakahiaka aole i napo ka la o kona make noia. Nolaila e nana mai oukou i ke ano o ka make emoole ana o keia kanaka, no ke Akua mai anei keia make ? i ko’u manao aole no ke Akua mai, aka! no diabolo mai no a ua Kale naaupo nei, pepehi i kona ola iho, aole anei keia i.pili i ke kanawni pepehi kanaka ? ua pili no wahi a ka Baihala o ka mea pepehi ia ia iho he pepehi kanaka noia. Nolaila, elua no kanawai i pili ua Kale nei; o ka moekalohe a me ka pepehi kanaka, a ina ua mihi ia no keia ma mea ana i hana ai, mamua, o kona make ana, alaila pomaikai paha ia, ina aole, e make ana no paha kooa uhane.