Ka Hae Hawaii, Volume 1, Number 20, 16 July 1856 — OLELO AE LIKE. [ARTICLE]

OLELO AE LIKE.

Hooholoia , no ka mea, he pono ke houluu)u ia ma kahi hookahi na Kanawai Kivila e noho nei, nolaila e kohoia ka mea Kiekie L. Kamehameha, ka mea Hanohano W. L. Lee, a me ka mea Hanohano Gr. M. Robertson, Kokua Lunakanawai Kiekie, i mau Komiie nana e hoomakaukau i kanawai kivila,e pono ai kela hana Kivila, keia hana Kivila, me na hua kuhikuhi i na olelo hooholo i hooholoia c ka aha a i pili i ua mau Kanawai la, ma ko lakou ike ana he pono ; a na ua mau Komite nei no, e hoike no ka lakou hana ana imua o ka ahaolelo o 1858 a i papa kuhikuhi kupono e loaa koke ai na Kanawai ke pau lakou i ka paiia kekahi mea a lakou e hoomakāukau ai. Aponoia i keia la 30 o June, M.H., 1856. KAMEHAMEHA. Kaahumanu.