Ka Hae Hawaii, Volume 1, Number 23, 6 August 1856 — MOKUAHI O KE AUPUNI. [ARTICLE]

MOKUAHI O KE AUPUNI.

Ua kapili iho nei ke aupuni i wahi mokuahi uuku e holoholo iloko o ke awa o Hdnolulu nei, e kolo I ka mea eli awa, a me na moku, komo iloko, a puka iwaho, o ke awa. I ka la 31 o lulai iho nei, ua hoolanaia ua mokiiahi nei, i ka hora eha o ka ahiahi. Hele ilnila ka Moi me ka Moiwahine, me L. Kamehameha me V. Kamamalu, a me na haole, me na kanaka maeli he nui wale, e ike i keia hooholo ana ma ke kai. Na ka Moiwahine i paai ke kaula <j ka omole waina, a holo ka moku i kai kuu aku la, a nohaha ka emole. He hana kahiko keia aka poe kapili moku, a ua kapaia he haawi inoa i kā moku he hana hoolilo o Pele ka inoa.