Ka Hae Hawaii, Volume 1, Number 27, 3 September 1856 — PONO OLE ! [ARTICLE]

PONO OLE !

Hele mai au mai kahi kuaaina mai, a noho iki ma Honolulu. Ike hoi au kahi mau mea pono ole: 1. Pono ole ka hele nui loa o na puaa ma na alanui o ke kulanakauhale. 2. Pono ole ka hanai nui o na ilio. Ane hiki ole ke hele i na alanui me ka naha ole ia. Ane hiki ole hoi ke hiamoe i ka po no ka walaau o na ilio. Aneane wi hoi ke kulanakauhale no ka lilo nui o ka ai i na ilio.

3. Eia kekahi mea pono ole a’u i ike ai, o ka waiho ana o na holoholona make ma na alanui. E aho no ke kanu aku i ka lepo Mai ulu paha ka ahulau! 4. Eia hou, aole pono ke waiho hamama i na punawai ma na wahi e hele ai na kanaka. 6. Aole pono ka waiho wale ana o ka hale pule o Kawaiahao, a me ka pa kanu kupapau, a lilo ia i wahi e noho ai na puaa. Auhea na makamaka o ka poe i kanu ia malaila? Ka inoa e hui oukou a hoala i ka pa i hiolo, a waiho hamama. J.