Ka Hae Hawaii, Volume 1, Number 34, 22 October 1856 — Untitled [ARTICLE]

He Ua.—I ke ahiahi o ka la 17 o Okakoha nei, hoomaka ka ua ma Honolulu nei, a hooloihi aku no ia ma ka po a ma ka la 18. Nui ka ua i keia la i oleloia maluna. He mea hooluolu loa ka ua; nui ka maloo mamua, make na laau a me ka mauu, a me na mea kanu, piha na alanui i ka lepo i puhiia, a piha no hoi na hale a me na maka o kanaka ika lepo. Aua pau ia, ua pulu loa ka aina, e ulu hou na mea kanu, a olioli na kanaka a me na holoholona no hoi kekahi.