Ka Hae Hawaii, Volume 1, Number 39, 26 November 1856 — DALA I NALOWALE MA KAILUA. [ARTICLE]

DALA I NALOWALE MA KAILUA.

I ka la 27 o Ok. iho nei, palapala mai o G. L. KapeaU, ia Limaikaika, ua komo koloheia kona hale palapala ma Kailua, a ua aihuoia ke dala o ka auhau kula $617.42. Aka, ua pau mamua kona noho Puuku ana, a kahaha iho la ka manao o Limaikaika no ka hoihoi ole aku i ke dala auhau kula i ka ‘Puuku hou, oM. Tela; aole hoi i hookaa i na kikoo o na kumu. a nolaila holo koke aku i ■ ■ f oia i Kailua, e nana i keia hihia. Hiki aku oia ilaiia i ka la 15 iho nei, a halawai koke laua ene G. L. Kapeau. Ae koke mai oia e pani i keia dala, no ka mea, mnluna ona ka hewa oka iilo ana. Haawi koke mai oia ia Limaikaika, i mau waiwai, e kuai aku, a loaa ke dala, e hoihoi iloko o ka waihona o ka Puuku oia apaua. O ka oiaio keia no keia dala.