Ka Hae Hawaii, Volume 1, Number 40, 3 December 1856 — Untitled [ARTICLE]

Ka Moku “ Great Republic.*’ —-Ua hoi keia moku ma Europa mai, a ua ku ia ma Nu loka, Elua makahiki mai ka holo aku o ua moku la a i ka hiki mai ma Nu loka. I loko o ia mau makahiki elua, ua hoolimalima ia keia moku e ke aupuni Farani, e lawe i na koa a me na mea kaua e ae, mawaena o Farani a me ke Karaimea. I kona holo hope ana mai ke Karaimea i Farani, lawe ia i 3,000 a keu na koa, me na kauwa o kela ano keia ano he nui wale, a ua piha no hoi kona poholo i na pu nui, na poka, a me kela mea keia mea kaua, a me na mea ai. He moku nui loa ia, a ma kana wahi a pau i ku ai, hele nui na kanaka maloko e nana’ku i kona ano, a kahaha lakou no kona nui a me ka akamai o kana hanaʻna.