Ka Hae Hawaii, Volume 1, Number 40, 3 December 1856 — HANALEI, NOV. 13, 1856. [ARTICLE]

HANALEI, NOV. 13, 1856.

Aloha oe e ka Hae Hawaii. —Ua ike au ma ka Hae Helu 34, i na manao o Polani no na mea ma ke aouli. Ua nui loa kona lalau ma na mea i oleloia no na hokupaa. Penei kana—Mai ka honua nei aku a hiki i ka hookupaa kokoke mai ia kakou, he 20,000,000,000 mile ka loihi.” Ua hewa keia. He 20 teriliona kapono. Oia paha kona loihi ma ka helu o ko Farani poe. Aka, ina e hahai kakou mamuli o ko Beritania poe, alaila, ua 20 biliona no. He 20 biliona Beretania ua like ia me 20 teriliona Farani. A o na buke helu o keia Aupuni, ke hahai nei mamuli o ka numera ana o Farani. Nolaila, o kela mau makahiki 3 me ka hapa, e pouli ana ka honua oiai e lele mai ana ka malamalama, ua hewa loal Hookahi la wale no me ka hapa. Me ka mahalo. WILIKOKE,