Ka Hae Hawaii, Volume 1, Number 40, 3 December 1856 — KA MANAWA. [ARTICLE]

KA MANAWA.

He waiwai maoli ka manawa i ka poe naʻauao; olelo lakou, “he dala ka manawa.” Nolaila, minamina ka poe naauao i na A, me na hora, me na minute. Kaumaha lakou ke poho wale ka hora hookahi ma ka noho hana ole; ua like ia me ke poho o ke dāla, i ko lakou manao. Nolaila, hoopiha lakou i kela hora keia hora i ka hana.

Aole pela ka poe naaupo. Hoopau manawa wale no lakou; noho wale a hala ka hora a me ka la okoa, No ka mea, aole lakou noonoo, ‘he dala ka manawa,” ia lakou aole waiwai o ka manawa; he mea ole wale no ka hora, ame ka la. Ina irni lakou i ka hana, a hoopiha hoi i na hora a pau o ka la, i ka hana, ina ua lako lakou: aole nele, aole pilikia i ka Lunaauhau, a me ka hune. Pela kanaka Hawaii, kakaikahi ke kanaka maoli i manao nui i ka manawa; hoomaunauna wale i na hora, me na la, noho wale; a no laila, aia iloko o ka lepo, a me ka nele. Ino na hale, a me na kino.