Ka Hae Hawaii, Volume 2, Number 1, 4 March 1857 — HE HONU PII MAULA LOA. [ARTICLE]

HE HONU PII MAUKA LOA.

E ka Hae Hawaii e: Aloha oe. --Ke hai aku nei au ia oe he Honu ma Polihua i Lanai. I ka la 18 o Ian o keia makahiki, pii mai kekahi Honu maloko mai o ke kai, mai ke one kai mai kona pii ana mai a ke one maloo, a hala ke one maloo a hiki i ke pili. Ike kekahi wahine i ua Honu nei kahea aku la i kekahi mau mea ma kahi e aku, he kane me kana wahine lohe ua honu nei i ka leo o ua wahine nei i hahea ai, huli hou i kai ua Honu nei e hoi a kiki he wahi kipapali one, hehee huli ke alo o ua Honu nei i luna loa ia lakou nei eklou lakou mea i loa ai, ina aole e huli kona alo iluna, ina no aole e loaa, he muku kona laula, nui maoli no keia Honu o kona kua ua akaakaa ia i una na R.K--, i hai mai ia'u he mea hou no kea i ka lohe ana; nolaila, he mea pono no e hai mai i na mea hou ma kela wahi keia wahi na ka Hae Hawaii e hai ae mai Hawaii a Kauai, i ike ka lehulehu. Me ka mahalo. S.R. LOHEPONO. Kulaokahua, 20 Feb., 1857