Ka Hae Hawaii, Volume 2, Number 4, 22 April 1857 — NO KA MAHIAI. [ARTICLE]

NO KA MAHIAI.

Helu 3. "Na ka mea i holo pono kakou e alakai" No ka pa aina. He mea hiki ole ke hoomalu pono i ka aina i pa holoholona ke paa ole ia i ka pa. Aole hoi e hiki ke hookapu loa i ka hele ana o na holoholona. Nolaila aole e maha pono ka manao ke paa ole ka mea kanu i ka pa. No ka pau pinepine o ka mea kanu e ke kanaka i ka mahiai, a e , j||rtAole hoi e koMUunauna ke kanakaikona a me ke*»dala, e hana maikai t kona 't e haoWMiaa iho, ke loaa ole ia ia «kniaui aaa o hkna haoa. Ina iiio wale v:£ hai, alaiia e paapauaho ke kaoaka. kamu o kahakaka nni wale ma Nolaila mai ka maoao iuoaoa, aoa he nuiloa. he makau kekahi poe no me ke dalae iilo i ka haHe oiaio no ia, akaaole e ! :X7.v--V-f>Khaki naauao ikamea«IUo ai aku ka mea Iom mai i

ko ka mea lilo aku. O ka aina i paa ole i ka pa ua like kana waiwai me $00.00. O ka aina i pa ia, he $100.00 kona hua, he $50.00 i lilo i ka pa —puka $50.00, a oia ka oi o ka aina i pa ia, i ko ka mea paa ole. A, no ka nui o ka mea e lilo i ka hana ana i ka pa aina, e pono ke noonoo nui ia, a ke imi ia i ka pa maikai, a make pono, a e loihi ka wa e hina ole ai, me ka lilo ole hou aku o ke dala i ka hana hou ana. He nui ke ano o na pa ma kela aina keia aina ; he pa oi nui i ke dala kekahi, a he pa make pono kekahi. O ka pa pohaku—oia ka pa maikai ma kahi aa. He pa popo ole, aole pau i ke ahi, aole pau i ka aihue ; he pa nana e pale loa i na holohoiona ke maikai ka hana ana. O ke kao wale no ka holoholona e paa ole ia. Nolaila e pono ke hookapu loa ke kao ma ka aina mahiai. E noho no ia ma ka aina kanaka ole. O keia pa ka oi mamua o na pa e ae. E lohi nae ka hana ana ke loihi ke kii ana i ka pohaku, a e nui io no ka lilo ke hana ia ka pa nui, a maikai. E hiolo pinepine hoi ke hemahema ka hana ana. Nolaila e hana mua i ke kahua a papu; e hana hio na aoao elua, mai laloihiki iluna. mai aukulu i na pohaku, aole hoi e kunihi, e hoomoe no ma kona aoao palahalaha, a e hoohuli i ke poo nui o ka pohaku i waho, a e hoopiha pono maloko o ka pa i oni ole na pohaku. Mai kau lalani i kekahi pohaku maluna o kekahi pohaku, aka e kau i hookahi pohaku maluna o na pohaku elua. O ka mea lilo i ka oa pohaku 5 kapuai ke kiekie, a ekolu kapuai ka laula ma ka honua, a hookahi mile ka loihi o ke kauo ana i na pohaku, ua like ia me elima dala no ke anana hookahi. Ka pa lepo. He pa maikai no ka wa pokole. O kona hiolo koke i ka wai ka hewa. I keia wahi hoi, o ka mauu ole kekahi hewa. He nui hoi ka luhi o ka hana ana. Pau no hoi i ka lelo o ka bipi, a me ka eku ana o ka puaa. Nolaila e waiho loa keia pa. Ka pa laau. Elua hewa nui o keia pa, o ke kiekie o ke kumu kuai o ka laau kekahi, a o ka popopo mau o ka laau ka lua. He pa maikai no nae keia, a paa, a he maikai no i ka maka. O kekahi ano o ka pa laau oia ka pou a me na laau eha, a elima paha e moe ana ma ka loa, a e paa i ka makia i ka pou. Ewalu kapuai mai kekahi pou a i kekahi pou. O kekahi ano, he pou me na kaola elua a me na papa liiiii e paa ana i na kaola. Umi kapuai mawaena o na pou. E kanu i ka welau o ka pou ilalo, aole ke kumu, i popopo ole. E hiki wawe ka popopo ke kanu ia ke kumu ilalo. I pou Mamane, Pua, Aalii, Ohia, Kedana ulaula o Kaliponia, oia ka pou, a o ka laau Oregona ke kaola. Ina hookahi hapaha ko ka pou, a 6 keneta ko ke kapuai papa, lx8 iniha, a i ole 2x4 iniha ka nui o ka laau, elima laau, alaila $1.50 ka nui o ka lilo i ke anana hookahi o ka pa mua. A,$l.89 paha ko ke anana hookahi o ka lua. Eia nae kekahi laau make pono, i pauku wahie no 6 kapuai ka loihi, e kukulu a kanu, elua kapuai ka hohonu. I hookahi kapuai e piha i ka pauku hookahi, a e makia i hookahi kaola ma ka loa. $1.00 paha e lilo ma ko anana hookahi.

Ka pa Uea. 10 kapuai mai kekalii pou, a i kekahi pou, i pou nui ma na kihi, a e kaiui hohonu i lalo ; me ka koo elua ma kela kihi, keia kihi, a pela hoi ma na puka. Elima paha uea, i mea nui maluna i moku ole i ka bipi, ame ka lio. E koo i na uea o pololei. Aole.e paa na holoholona liilii i keia pa, o na bipi nui wale no, me na lio nui. Eia kekahi hewa, o ka palaka pinepine o ka uea, a mokumoku, a me ka popopo o ka uea ma keia pae aina. O ke dala e paa ai ke anana hookahi he $1.13 paha, aia i ke ano o ka hana ana. Ka pa Ulu. Ma kekahi aina he maikai ka pa ulu o ka pa kanu, aka, maanei, hookahi wale i o ka pa kanu i ulu maikai ia’u, a lilo i pa ikaika, oia ka Panini. Penei ke kanu ana ; i na malama o Aperi la, Mei, a me Iune, mamua o ke kupu ana o ka panini, e hookaawale i ke kahua i na pohaku ame na mea malumalu a pau. Alaila, i ka manawa ua ole e oki i na lau panini, a kaawale kekahi lau me kekahi lau. O na lau oolea ka maikai—e mala pono o peepee. Aole make houhou o popopo. E lawe i na lau peepee ole a e hoomoe maluna o ka ili o ka honua ma ka aoao palahalaaha, E hoomoe a pili pu na lau—i hookahi iwilei ka laula okapa e hoomoe ai. E kiai pono, a ula; ina e popopo kekahi lau e kiola a e a e pane hou i ka lau maikai. Aole make hele ke kao a me ka puaa ma kahi i kanuia ai o pau i ka ai ia ka mea kupu. Aole hoi e pono ke malumalu o na waliwali kona kino. Uuku ka lilo i ka hana ana i keia pa—e like paha me ka hapaumi (1-16) no ke anana hookahi. O ke kiai ana ka mea nui, no ka mea, aole hiki ke pani i na puka i ka mea kanu hou he nui ka pa; i ka wa uuku wale no e hiki ai ke pani. ’ Eia ka hoohalike ana o ke kumu kuai o keia mau pa a pau iloko o na makahiki he kanalima, no ke anana hookahi. Pa Pohaku, 1 hana ana $5.00 Pa Laau, . 10 “ “ 6.25 Pa Laau 1, 5 “ “ 7.50 Pa “2, 5 “ “ 9.15 Pa “3, 5 “ “ 5.00 Pa Uea 4 “ “ 4.52 Panini, koli pinepine, .25 O ka lua eli, oia kekahi mea kokua i na pa e ae. (Aole i pau)