Ka Hae Hawaii, Volume 2, Number 19, 5 August 1857 — Ka emi ana o Kanaka ma Farani. [ARTICLE]

Ka emi ana o Kanaka ma Farani.

I keia mau makahiki o ka noho mai ana o Lui Napoleona ma Farani, ua lilo na kanaka a pau i poe imi lealea, me ka hoohanohano i ko lakou noho ana. Ua hanohano na kino, hanohano na hale, a ua hanohano na kaa holo. Mai na Moi a haia ilalo ina makaainana, ua uhauha ka noho ana. Ua pau loa na dala i loaa ia lakou i ka lilo i ka lealea, a me ka hoohanohano. Ua oi aku ka aie o kekahi poe nui, mamua oka waiwai i loaa mai. No keia mau mea, he hapa na mea mare, no ka hiki ole kke kane e hoohanohano i kana wahine. A o kekahi poe i mare, aole lakou e makemake i na keiki, o keakea ko lakou leaiea i na keiki. Ina he keiki ka ka wahine, aole e hiki ia ia ke holo hanohano iloko o kona kaa i na la a pau, a e hele i ke keaka, ame na hana lealea apau. Nolaila, pale aku na wahine i ka hapai keiki, a lilo lakou i poe keiki ole. No keia mau mea elua, ka mare ole o kekahi poe, a me ka pali hapai keiki o kekahi poe, ua oi aku na mea make ma Farani mamua ona keiki hanau. Aoke kumu o keia emi ana o kanaka, ka noho uhauha ana o )akon mamuli o ka-lealea wale no. v