Ka Hae Hawaii, Volume 2, Number 26, 23 September 1857 — Untitled [ARTICLE]

Kanaka hooikaika i ka hana Aia ma Wailuku, makai o Nehe, ua kanaka la Kalawaianui kona inoa. O kana hana o ka hooikaika mau ana, o ke kalua ai na ka hana makahiki ma Makawao, no kekahi haole o Mi Peka. O ka nui o kana mau pai e kahu ai i ka hebedoma he 60, o na kahu ana i ka hebedoma elua, he 30 ko kekahi, 30 kekahi. O ka loihi o ka manawa o ka hana ana i keia hana, a 6 makahiki a keu ka hana ana. O kona waiwai loaa ma ia hooikaika ana, he 25 Eka aina, a o na dala no ia aina i kuai ia ai he $250 no ia. Aka, aole pau kona hana ana i kela hana, aole no i pau kona manao kuai aina ana. E auhea kakou e ka poe hooikaika ole e like me Kalawaianui o Nehe, ma Wailuku. Pehea kakou e hoka nei, a pau ka manawa i ka noho hooikaika ole i ka hana. E eu ae kakou a hooikaika e like meia J.W.K. Kaaikaula Wailuku, Aug 22, 1857.