Ka Hae Hawaii, Volume 2, Number 43, 20 January 1858 — Na Luna Kula. [ARTICLE]

Na Luna Kula.

Ua ike au ma ka Helu 35, aoao 139, i na manao o J. Fuller, e hoakaka ana i kona manao, no ke koho ana i na luna kula, ma kela Apana keia Apana o ke Aupuni Hawaii nei, ke hiki aku i ka Monede hope o Dek. o keia makahiki e pau ana. Ma ka Mokupuni o Molokai, ua hemahema loa na Kahu nana ia Oihana, oia hoi na Lunakawai, e noho mau ana ma ka lakou Oihana, i ka makahiki i hala ae nei, ua manao nui ia ma ke koho balota Lunamakaainana, a o ke koho ana i na Luna Kula, aole loa Hookahi wale no kanaka manao nui i keia Oihana, oia hoi o S. G. Dwight, he lana kona manao, ma ka hoonaauao ana i na haumana, a me na kanaka a pau. Eia kekahi kumu e make ai keia hana ma Molokai nei, i ka nana aku, a me ka noonoo maoli ana, ke makau nei na kanaka i ka luhi, i ka hele i o ia nei, me kahi uku uuku, oia hoi ke dala kino, hookahi, a me na dala kula elua, e mau ana lakou hele ana i ke aupuni, ma ko lakou mau Apana, nolaila, mkau na kanaka i kohoia, a haalele i keia Oihana, pela ma na makahiki i hala ae nei. Owau no me ka mahalo. K. Keawanui, Molokai, Dek. 2, 1857.