Ka Hae Hawaii, Volume 2, Number 48, 24 February 1858 — Ka nui o na dala. [ARTICLE]

Ka nui o na dala.

E hiki paha ke hai ia ka nui o na dala o keia awa o Keoneoio nei, ma ka Hale hawaii, iike ka poe a pau i ke kumu o ka lilo ana o keia mau dala, o ka nui o na dala i lilo, 152.75. Oil ka nui o na dala i lilo i ke pai kalo ia Wailuku, Waiehu, Waihee. O ke kumu nae i lilo ai o keza mau dala, o ka wi o ka aina. Ua hoomaka mai keia pilikia i ka malama o Mei, o ka makahiki 1857. Nui loa ka la, aole ua, maloo loa ka aina, aole hiki i na kanaka ke mahiai aku. I ko'u manao, o ka Apana wale no paha keia i ike ia ka wi, oia o Honuaula nei, o ka ai kuai wale no ke ola o na kanaka e soho nei ma keia awa o Keoneoio nei, aole nae ma keia awa wale no keia lilo mau o kahi dala, ma Honuaula no a pau. Ke holo mau Mai nei no na waapa maanei e kalepa mau ai i ka kakou pai kalo, no ka ike mai i ka wi ai ole o keia aina a ke Akua i hana ai. O keia mau dala nae i haiia aku la maluna, no loko mai o na papale a na wahine i ulana ai a kuai aku i ke dala, a loaa mai wahi dala, manao aku ke ola i ka ai, aole nae no laila wale no, no loko mai o ka ia kekahi, na kanaka i lawaia ai. O na papale kekahi i lilo aku i ke pai kalo, o ka aui o na papale 124 no ia. Oia kahi manao hai aku ia oe, a nau ia e hai ae ma ke akea, i ike ko'u mau makamaka a pau i ko'u manao. Ua lawa. Me ke aloha. S. E. Kahu.