Ka Hae Hawaii, Volume 2, Number 50, 10 March 1858 — Kahahuloa, Feb. 22, 1858. [ARTICLE]

Kahahuloa, Feb. 22, 1858.

E like me ka ua ano e ma Kahakuloa, pela no ma Waikapu, Wailuku, Ukumehame. Ma Waikapu, kahe nui mai ka wai, ma kahawai, me ka lawe nui mai i na laau nunui o ka mauna, a me na pohaku nuii a kau liilii ia ma ke kula o Waikapu ; pau ka hnle papaa o Hulipau ma malaila, ua like me $1800 ka lilo. Ke ohi nei na kanaka i ka wahie ma ke kula i keia wa; nui ka wahie. Ua pau no hoi kekahi mau hale o na kanaka, a pakele ke ola o kekahi poe. Nui na loi i pau i ka wawahi ia, ma Waikapu me Ukumehame ; nui loa. He ano e loa keia ua ; akahi no.