Ka Hae Hawaii, Volume 3, Number 4, 28 April 1858 — No ka Hae Hawaii. [ARTICLE]

No ka Hae Hawaii.

I na Makaainana maloko o keia Aupuni.

Ke kokoke mai nei ka malama o Aperila, ka manawa e akoakoa ai ko kakou mau Lunamakaainana ma ka Ahaoleio ; Nohila, e noonoo kupono oukou i mrfu Palapala Hoopii kupono e kaulike ai ke Aupuni me kakou ; Aole na Palapala Hoopii ano pupule, i mea e hoohilahila ai i ko kakou mau Luna iloko o ka Ahaolelo.

Ua ike au i na Palapala Hoolaha a na Lunamakaainana o Honolulu nei ma na huina Alanui a puai e kau ana— Penei ke kahea ana.

Ina e koho na kanaka i ka poe nona na inoa malalo iho, (oia o Kahui, Kaauwaepaa, Lapauln, Kimo Beritania ( ) “E pau ka auhau holoholona, auhau kula, a me ka auhau alanui.” - E nana kakou i keia mau olelo e kahea nei ; Heaha kein kahea ? Eia, he ano pupule keia. He olelo kaulike anei keia i waena o na kanaka a me ke Aupuni o kakou? Aole loa.

E hoomaopopo kakou ma na mea like loa; penei. Ina pahao Kaoao ke kanaka ikaika i ka mahiai, a me ke kokua i ka pono kaulike o kona lehulehu, ina i pau kona inau lima, a mc kona mau wawae i ke oki ia, a iilo paha kona mau maka i mea ole ; Pehea o Kaoao ? Ikaika anei ? iini anei i pono kaulike no kona lehulehu ? Aole loa, liio oia i mea ole, a me ka hune loa.

Pehea o Samosona ? Ua lilo kahi o kona ikaika i ka wahine o ko Pilieeiia, ua ikaika hou anei oia e ku-e aku i ko Pilisetia ? aole loa, ua pau koke kona ikaika ; A pehea hoi ke Aupuni ? Ina e oki kekahi i kona mau

laia, e ikaika anei ? lako anei ke M Auptini ? nani anei ke AupuAi ? Aole loa. /.).• Nohea mai ka nani o ke Aupuni a me ' ka Hanohano ? no kona mau lala mai. nohea mai pa alanui haka, na wapo ma ke dwakumoku, no ka iilo anei o ke Aupuni i men ole? No ka ikaika o ke Aupuni wale no, a me ka uaauao.

Pehea na Aupuni naaupo ma na aina moana o ka honua nei, Hanohano anei ? aolo loa. ■ ■

Nolaila, e noonoo pono kakou i mau tBila Kanawui kupono e kaulike ai kakou me ke Aupuni ; Ka poe hune a me ka poe waiwai, a e hookomo aku iloko o ka Ahaoielo.

E aho paha e noonoo iki kakou i Bila Kanawai e kaulike ai ka poe waiwai me ka poo hune ; penei. E auhauia ke kanaka e like me. ka nui o kona waiwai, mai ka waiwai paa a me ka waiieai leiea, e aho iki ia mamua o ka hoonele loa i ke Aupuni, he Bila Kanawai kela e kaulike ai iwaenp o ke. Aupuni a me ka .poa hune ame k.a poe waiwai. Pela e pono ai au e paipai ai ia kakou, oiai mamua o’ ka manawa Ahaolelo. S. N. HALEOLE. Honolulu, Maraki 9, 1S58