Ka Hae Hawaii, Volume 3, Number 4, 28 April 1858 — Ka waiwni o ka aina. [ARTICLE]

Ka waiwai o ka aina.

E ka Hae Hawaii e: ALOHA PU KAUA: - He mau keia wahi ukana ia oe, e hahao ma kou Helu Buke 3. Nui ka waiwai o ka aina i ka poe hana mau, imi ikaika, molowa ole, hoomau ma ka hana i kela la i keia la, a laila e loaa ia lakou ke kuonoono o ka hale, a me na mea maikai e pili ana i ka ohana. He pulu hapuu! Nui keia waiwai o ka aina ma Kohala Akau nei. Ke pii nei na luahine, na kanaka ui, na wahine ma aopiopio, naau hoohihi i ka wailiula, (aole nae na ke kanaka i kanu keia waiwai, na ke Akua.) I ka pii ana o keia poe, nuika kekahi, uuku ka kekahi, o ka poe hana nui, nui ko lakou loaa keia waiwai o ka aina. A o ka poe hana uuku, uuku no hoi ko lakou loaa. Mai 3 o ke dala, a hiki i na dala 8, o ka eka hookahi

, no laila, nui ka poe i loaa ia lakou keia "waiwai o ka aina." Ewalu a'u eke pulu i keia pule iho nei, ua like me na dala he $40, a oi aku ka kekahi, a emi mai, e like me ma luna ae.

I ka la ohi lole ma Kapaau, eia ka hemahema a'u i ike iho nei. O ka lawe nui ana o na wahine i keia lole hou ma Kohala Akau nei, "umenaau." Ninau akula o Naihe i ka poe hana pulu, "ma hea kou lole e H., e ohi ai? I mai kela, "ma ka lole umenaau no hoi paha he silika." O ka uhae ihola no ia he $30.00 lawa ka holoku, pau aela hoi kona, ke ku nei hoi kona kokoolua o K., ninau hou ka mea kuai o Naihe, ma hea hoi kou e K.? "ma ke koloka," ae, wahi a Naihe, ohi aela o K., $50.00. Eia hoi keia mau mea, he mau kanaka hana pulu hoi, he nui loa lakou, ohi keia poe ma ka huluhulu e $8.00 palule huluhulu $3.00, koloka $18.00, noho lio $25.00 a pela aku no.

Momoku lua na lio i Kapaau e ohi lole ai, ahu iho ka lole maikai i Kapau. he keokeo, kukaenalo, makalena, huluhipa; nohe uhae nui ia. Me ka hookomo iho i ka “waiwai o ka aina,” i ihola i ke keokeo penei; “Lo pauale ka manao e hiikoni ae nei.” O keia poe ohi i na lole nui o ke kumukuai, he poe ilihune loa, hele wale na keiki, aole palapala, aole Buke, aole loa. Inoino na hale, hookahi no mea nana e aahu ka "umenaau." Nui maoli ke dala no ka holoku hookahi! Ma keia mau mea ka hemahema nui o kanaka Hawaii nei; makemake i ka lole kumu kuai nui, oiai aole lako i na mea a pau. E ake no na haumana pa, ko, li, a Elena o ka wailiula, silika, pahoehae, kelepa, aole nana iho ia Elena, he wahi kalakoa wale no kona wahi kapa, me kona lauoho kuonoono i ka nana aku. E aho uoki ko oukou puni lole nani ana. E hahai oukou ma muli o ke ano o ka oukou kumu.

Ma keia manao o kaua, ua akaka i ko'u manao ka haaheo o ke kanaka i ka waiwai o ka aina a ke Akua i haawi mai ai. Aohe manao wale iho no ke Aupuni o ka Haku kahi eke pulu. Ua pau keia kamailio ana, o helu mai i ka loaa a lakou. G. B. HAAE.