Ka Hae Hawaii, Volume 3, Number 8, 26 May 1858 — Untitled [ARTICLE]

Pic-mc ma Punahou.— I ka poalua, oia ka la 18 o Mei nei, he ahaaina kamalii haole ma Punahou, mamuli o ke kahea ana aku ō na Kumu o ke Kulanui olaila i na kamalii kula Sabati a pau o Honolulu nei me ko lakou mau makua a me na makamaka no hoi. I ka hora 3 oia la, halawai lakou a nui loa, na keiki, na makua, na makamaka, he 400 a keu aku paha ka nui o Iakou ( a pau, a he 250 a keu na kamalii* kula. Paani lakou ma kela wahi oluolu me ka lealea maikai, me ka mele, me ka akaaka a me ka olioli nui. Noho na makua ma ka malumalu, e nana ona’ku i na keiki me ka manao lana a me ka oluolu maoli ; no ka mea, manao iho lakou, a hala na makahiki he 10 a 20 paha, e lilo ia mau keiki a lakou i mau makua maikai ma ke aonei, no ka ikaika o na kino o lakou ame ka maikai ke nana aku. A hiki mai ka manawa kupono. ku lakou a pau a puni na papa aina, mele na kamalii a pule kekahi kumu, alaila ai lakou i na mea at i hoomakaukau ia. He la oluolu no na kamaiii ano na makua no hoi kekahi. A po ka ia, hoi lakou i ko lakou mau home.