Ka Hae Hawaii, Volume 3, Number 9, 2 June 1858 — Na Linaliua. [ARTICLE]

Na Linaliua.

Noho ae la kekahi kanaka mahiai ma kuaaina, a he keiki kane nana, he keiki hoolohe ole i kona makua a kolohe no hoi. I kekahi la, i aku la ka makuakane ia ia, “ E Keoni e, he keiki malama pono ole oe a me ka poina ana, nolaila, e hoopaa ana au i hookahi kui iloko o keia poo no kela hewa keia hewa au e hana’i, ano kela hana keia hana maikai e huki mai au kekahi kui, i mea e hoakaka’i i ka nui o kou mau hewa, a e hilahila paha auanei oe no ka nui o knu mau hewa.” A pelakahana a ka makua, hoopaa iho oia i kui a i mau kui paha i kela la keia la e like me ka nui o ko ke keiki mau hewa, a kakaikahi ka huki ana’ku o na kui no ka hana maikai. A hala na la he nui, a aneane piha ka poo i na kui he nui wale, nana ae la ke keiki ika nui o na kui me ka hilahila a me ka mihi ana no kona hewa nui; manao iho oia e huli a e hana maikai me ka malama pono ika olelo a kona makua. A, i ka pau ana o ka la mua o kona huli ana i ka pono, ua pau na kui ekolu i ka huki ia, a i ka la elua he elima na kui i huki ia, ika la ekolu lie eiwa no, a pela aku, a koe wale no hookahi kui ma ka poo; alaila, kahea*aku ka makua ia Keoni, “E Keoni, ka’u keiki i alohaia, e nana oe, he hookahi wale no kui i koe, a no kou ano maikai i keia wa ke huki nei au i ua kui hope nei, aole he kui i koe. Aole anei oe i oluolu loa?” Nana aku la o Keoni i ka poo, aole nae hauoli iki oia; aka, haule iho kona waimaka 1 ka nana’na’ku. Kahaha aku la ka makua, “ Pehea la oe, e uwe ana, aole anei i pau na kui i ka huki ia, a pehea la oe e hauoli ole ai?” Pane ae la o Keoni, “ N Ua pau no na kui ika huki ia, aka, aia no na Hnalina, a nolaila ko’u waimaka^*;; v , i.ss> & \ ■ ■J'' ■ ,'v'- ; ■ '■