Ka Hae Hawaii, Volume 3, Number 27, 6 October 1858 — Hana Maikai a kekahi Akua Kii. [ARTICLE]

Hana Maikai a kekahi Akua Kii.

Ua noho kekahi koa Beritania me kana wahine, i kekahi mau makahiki ma Inia, iwaenakonu oka poe Hinedo. Ika hoi ana, ua lawe mai laua i kekahi mau akua kii, hookahi mea nui, 1 o “ Rama Samee” kona inoa. Ua hooponopono laua ika laua wahi p noho ai ma ka mokupuni o Wight, ma kahi i kapaia o Freshwater. O Norton Co(tage ka inoa oka laua hale e noho ai. Momona loa kolaila aina, a nui wale na pua a me na hua maloko o na mala. Ma kauwahi eku ana kekahi hale makalii, a ua paa ko laua manao e hana ia ia a maikai, i mea e kokua ika oihana misionari. Maloko oua hale la, ua hooku lalani ia kela mau akua kii, a o “ Ramn Sarnee,” ka mea nui, oia ka i ku ma ke alo, e pa ana i wahi pahu waihōna dala misionari, Maluna ona ua kakauia keia mau hua, “ E aloha i ka poe Pegana .”

Ua alakaiia na hoalauna e ike i na mala, a me ka hale o na akua kii, a nui na dala a “Rama Samee” i loaa naai ai, no ka aha* hui misionari. L. S.