Ka Hae Hawaii, Volume 3, Number 27, 6 October 1858 — HOKUWELOWELO [ARTICLE]

HOKUWELOWELO

Aukea oe c ka Hae ! Ua ike aku anei oe i wahi malahini ma ka aouli i kekahi mau po i hala ae nei? He hokuwelowelo keia malahini a makou i ike aku ai. Aia ia ma ke komohana. Anapoo ka la a poeleele i ikeia’ku oia, Oko Eneka hokuwelowelo keia. He hokuwelowelo liiiii wale no ia, aole he mea nui ia e like me kekahi hokuwelowelo. He mea nani nae, nani kona poo, nani no hoi kona huelo.

He 1200 la ka poai ana o keia hokuwelowelo a puni ika la, oia hoi makahiki.

Ua ike mua ia’ku keia hokuwelowelo e kekahi kanaka naauao no Berelina, o Eneka kona inoa. Aia ma Farani nae kona wahi i ike mua aku ai ia ia, Ma ka la 26 o Novemaba o ka makahiki 1818 kona ike mua ana i keia malahini. Ua ike hou ia’ku ka hoku* welowelo ma ka makahiki 1822, 1825, 1829, 1832, 1835, a pela aku a hiki i keia makahiki 1858. He oiaio no ka olelo a Davida, “ Ke hoakaka mai nei na lani i ka nani o ke Akua; ke hoike mai nei ke aouli i kana hana