Ka Hae Hawaii, Volume 3, Number 48, 2 March 1859 — Ka ua me ka makani, a me na waikahe. [ARTICLE]

Ka ua me ka makani, a me na waikahe.

Eia iho nei ke kolu o na waikahe i hoopau ai i na uapo o Honolulu nei. O ka uapo ma Kaumakapili kekahi i lawe hou ia i kekahi po ua iho nei. Ke kolu ia o kona lilo ana i ka wai iloko o keia mau malama. Ua pau hoi kekahi aoao o ka uapo nui maluna o kahawai o Nuuanu, ma kahi o Kalapaula Ua pono no kela auhau hou no na uapo i paa koke ai lakou.

He makani Hoolua e puhi ikaika ana i keia mau hebedoma, ma keia mau kai ewalu, e hookaa mai ana i na nalu nui mauka. Ua paa ka Liholiho iloko o Hilo, me ka hiki ole e puka iwaho a hala na hebedoma elua.