Ka Hae Hawaii, Volume 3, Number 50, 16 March 1859 — Ka Pele o ka makahiki 1843. [ARTICLE]

Ka Pele o ka makahiki 1843.

Palapala mai ia oMi Kuana. I kakahiaka o Ianuari 10, i ka wa po okoa, ua ike?a aku la he ahi malamalama iki maluna pnno 0 Maunaloa, ma ka aoao hikina akau o ke kuahiwi. Mahope iho, puka rnai ke ahi ma ka mauna ma kau wahi e ae, a kahe ,iho ta ke aa ma ka aoao e ku pono ana ia Maunakea, He mau mana elua e kahe ana, a hoopiha iho la i ka papu mawaena o na kuahiwi 1 ke ahi me he nmana wai la ka palahaiaha. Kahe aku la kekahi mana ma ke kumu .o Huaialai, a o kekahi marta ma Maunakea. A hiki ke ahi ma ke kumu o ka mauna, maheleia iho la ia, a kahe aku kekahi ma Waimea, a o kekahi ma Hilo. Eha mau hehedoma o kona kahe ana me ke oki ole Aole no i hiki keia ahi peie i kahakai, aka, ua hoopiha oia i na wahi awawa o ka mauna, a kahe palahalaha wale ma na wahi a pau o kela aina papu. A pio wale iho la ia ilaila’