Ka Hae Hawaii, Volume 3, Number 50, 16 March 1859 — He Poi Palaoa. [ARTICLE]

He Poi Palaoa.

E ka Hae Hawaii e ; He wahi nu hou ka’n e hai aku ia oe, nau ia e kaikai hele aku ma na palena o ka aina, mai Hawaii a Niihau, i kui aku ka. lono a lohe aku na makamaka o kaua e noho ana ma na kuaaina a me na alo alii.

Eia ua wahi nu hou la, i ko’u noho ana i Califonia nei, o ka iwa keia o ko’u mau makahiki, ua nui ka nuakemake o na kanaka o Califonia nei i ka poi kalo, aole nae wahi e loua’i. Aka, ua loaa ka poi no loko mai o ka palaoa aka haole i hana ai, mamuli o ke akamai o kanaka a me ka noonoo i loaa’i ua poi la. Eiu ka mea i loaa’i ua poi la, aia kekahi ipu hao, elua kapuai kona kiekie, alaiia, ninini ka wai maloko o ua ipu hao la, alikealike, kau aku muluna o ke nhi, a puila ae la ua ipu hao la, alaila, kaikai mai ma hai, a oinini iho la ua palaoa ia maloko o. ua ipu huo la, a paa kekahi laau ma ka lima, a hoowali iho la a paa maikai ae la, alaila, kau hou aku maluna o ke ahi, pela no e hana mau ai, ehn, eluna kau ana, alaila, ua moa ua poi la, a ninini inaloko n kekahi pakeke ai ole ia, maloko paha o kekahi pahu, a hoowali iho la a wali, ai ko makou ai ana i ua poi palnoa nei, ono maoli, e like me ka poi kalo o, Hawaii Me ka mahalo. Na M. NAHOKA. Ooloma, £1 Dorado, County, / Culifonia, Feberuari 12,1859. J